Cambodian Voter's Voice

លោក ហ៊ុន សែន បញ្ជាឲ្យក្រសួងយុត្តិធម៌ពិនិត្យឡើងវិញការលើកលែងទោសទណ្ឌិតពាក់ព័ន្ធនឹងការប្លន់និងគ្រឿងញៀន

2015-12-14 14:05:00 4711 Views

លោកនាយករដ្ឋមន្រ្តី ហ៊ុន សែន នៅព្រឹកថ្ងៃច័ន្ទនេះ បានបញ្ជាឲ្យក្រសួងយុត្តិធម៌ពិនិត្យឡើងវិញនូវការស្នើឈ្មោះទណ្ឌិត មួយចំនួនសម្រាប់ការលើកលែងទោស ដោយលោកថាករណីពាក់ព័ន្ធនឹងការប្លន់ថ្មីៗនេះ គឺជាមុខសញ្ញានៃទណ្ឌិតដែលទើបចេញពីពន្ធនាគារ។ ក្នុង«ពិធីផ្សព្វផ្សាយការបញ្ជ្រាបទស្សនទាន សីលធម៌ សាសនា ដើម្បីសុដុមនីយកម្មនៅកម្ពុជា» ដែលធ្វើឡើងនៅកោះពេជ្រ លោក ហ៊ុន សែន បានថ្លែងថាអំពើប្លន់ប្រដាប់អាវុធបានកក្រើកឡើងនៅរយៈពេលប៉ុន្មាន សប្តាហ៍ចុងក្រោយនេះ ដោយលោកបានបញ្ជាឲ្យអាជ្ញាធរ កងកម្លាំងប្រដាប់អាវុធទូទាំងប្រទេសបង្កើនការប្រុងប្រយ័ត្ននិង វាយកម្ចាត់ក្រុមប្លន់ប្រដាប់អាវុធនិងក្រុមជួញដូរគ្រឿងញៀន។ លោកបន្តថាតាមរបាយការណ៍ខ្លះឲ្យដឹងថាមុខសញ្ញានៃការប្លន់ជាមនុស្ស ដដែលៗដែលទើបចេញពីពន្ធនាគារ។