សម្លេងម្ចាស់ឆ្នោត​កម្ពុជា

លោកនាយករដ្ឋមន្ត្រី ហ៊ុន សែន នឹង​ដឹកនាំគណៈប្រតិភូជាន់ខ្ពស់​កម្ពុជា​ទៅ​បំពេញទស្សនកិច្ច​ផ្លូវ​ការ​ នៅព្រះរាជាណាចក្រថៃ រយៈ​ពេល​ពីរថ្ងៃ ចាប់ពីទី១៨ ខែធ្នូ ដោយ​នឹង​ចុះហត្ថលេខា​លើឯក​សារ​មួយ​ចំនួន​ ក្នុងនោះ​ក៏​មាន​កិច្ចព្រមព្រៀង​នៃ​ការប្រើប្រាស់កម្លាំងពលកម្មផងដែរ។​សេចក្តីប្រកាសព័ត៌មានរបស់​ក្រសួងការបរទេសកម្ពុជាចេញផ្សាយកាលពីថ្ងៃចន្ទ​ ឲ្យដឹងថា​ដំណើរ​ទស្សន​កិច្ចនេះតប​តាមការអញ្ជើញ​របស់លោកនាយករដ្ឋមន្ត្រី​ថៃ ប្រាយុទ្ធ ច័ន្ទ​អូ​ចា ក្នុង​ឱកាសខួប​លើកទី៦៥នៃការបង្កើតទំនាក់ទំនង​ការទូតរវាងកម្ពុជានិង​ថៃ។