Cambodian Voter's Voice

លោកសួន សេរីរដ្ឋាទុកពេលពីរថ្ងៃឲ្យលោកហោ ណាំហុងសុំទោស មុនដាក់ពាក្យប្ដឹង

2015-12-18 14:50:00 4727 Views

ប្រធានគណបក្សអំណាចខ្មែរ លោក សួន សេរីរដ្ឋា បានទាមទារឲ្យតុលាការកម្ពុជា ធ្វើការផ្ដន្ទាទោស លោក ហោ ណាំហុង តាមក្រមព្រហ្មទណ្ឌ នៃព្រះរាជាណាចក្រកម្ពុជា ដូចអ្នកនយោបាយផ្សេងៗ ទៀតដែរ។ ការថ្លែងរបស់ លោក សួន សេរីរដ្ឋា បានធ្វើឡើង នៅក្នុងសន្និសីទការសែត ស្តីពីការដាក់ពាក្យប្តឹង លោក ហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ពីបទ«បរិហារកេរ្តិ៍» នាព្រឹកថ្ងៃទី១៨ ខែធ្នូនេះ។ ថ្លែងក្នុងសន្និសីទ លោក សួន សេរីរដ្ឋា បានបញ្ជាក់ថា ប្រសិនបើលោក ហោ ណាំហុង នៅតែមិនព្រម សុំទោសរូបលោក ជាសាធារណៈទេ គឺនៅថ្ងៃទី២១ ខែធ្នូខាងមុខនេះ លោកនឹងដាក់ពាក្យប្ដឹងទៅកាន់សាលាដំបូងរាជធានីភ្នំពេញ។