Cambodian Voter's Voice

លោក សម រង្ស៊ី ៖ ការផ្តល់ដីសម្បទានជាប់ព្រំដែនឲ្យទៅវៀតណាមជាកំហុសមួយធ្ងន់

2015-12-28 09:00:00 4758 Views

ប្រធានគណបក្សសង្គ្រោះជាតិ លោក សម រង្ស៊ី ដែលកំពុងនៅក្រៅប្រទេស បានបន្តរិះគន់រដ្ឋាភិបាលជាថ្មីទៀត ពីភាពមិនច្បាស់លាស់នៃការកំណត់ខ្សែបន្ទាត់ព្រំដែន ជាមួយប្រទេសវៀតណាម។លោក សម រង្ស៊ី បានសរសេរលើបណ្តាញសង្គមផ្លូវការរបស់លោក កាលពីថ្ងៃទី២៥ ខែធ្នូ ថា ការផ្តល់សម្បទានរយៈពេល៩៩ ឆ្នាំ លើផ្ទៃរាប់ម៉ឺនហិកតា ក្នុងខេត្តរតនគីរី ជាប់ព្រំប្រទល់ដែនកម្ពុជា-វៀតណាម លោកថាឲ្យទៅកងទ័ពប្រទេសវៀតណាម ជាកំហុសមួយធ្ងន់ណាស់ចំពោះប្រទេសជាតិ។មេបក្សប្រឆាំងរូបនោះ អះអាងទៀតថា ទង្វើនេះនាំមកនូវគ្រោះថ្នាក់និងផលវិបាក លើបញ្ហាកំណត់បន្ទាត់ព្រំដែនឲ្យបានត្រឹមត្រូវ និងយុត្តិធ៌មចំពោះប្រទេសកម្ពុជា ក្នុងតំបន់មួយដែលលោកថា ប្រទេសវៀតណាមគ្រប់គ្រងរួចទៅហើយ។