Cambodian Voter's Voice

កូនប្រុសរបស់លោក ហ៊ុន សែន មានបំណងចង់ក្លាយជានាយករដ្ឋមន្ត្រី

2015-12-31 09:20:00 4713 Views

កូនប្រុសរបស់លោកនាយករដ្ឋមន្ត្រី ហ៊ុន សែន គឺលោក ហ៊ុន ម៉ានី និយាយថា លោកមានក្ដីសុបិនមួយ គឺចង់ក្លាយជានាយករដ្ឋមន្ត្រីដែរ។ ស្របពេលដែលព័ត៌មានស្ដីពីការចង់ឡើងធ្វើជាប្រមុខរដ្ឋាភិបាលនេះ អង្គការសង្គមស៊ីវិលយល់ឃើញថា វាពុំមែនជារឿងចម្លែកឡើយ ក៏ប៉ុន្តែចំណុចសំខាន់នៅត្រង់ថា ការប្រាថ្នាចង់ធ្វើជាមេដឹកនាំប្រទេសនេះ គឺជាឱកាសងាយជាង ក្នុងការគ្រប់គ្រងតំណែងជាប្រមុខរដ្ឋ បើប្រៀបធៀបនឹងយុវជនដទៃទៀតដែលពុំមែនជាកូនរបស់មន្ត្រីជាន់ខ្ពស់នោះ។លោក ហ៊ុន ម៉ានី បានផ្ដល់បទសម្ភាសន៍ដល់សារព័ត៌មាន ហើយត្រូវបានផ្សព្វផ្សាយជាសាធារណៈកាលពីថ្ងៃទី៣០ មន្ត្រីអង្គការមិនមែនរដ្ឋាភិបាលដែលធ្វើការលើវិស័យយុវជន ចាត់ទុកថា ការស្រមៃរបស់ លោក ហ៊ុន ម៉ានី នេះ គឺអាចរាប់បានថា វាជាការងាយណាស់ ហើយក៏ពុំមានអ្វីដែលស្មុគស្មាញនោះដែរ បើប្រៀបធៀបទៅនឹងមនុស្សសាមញ្ញដែលចង់ក្លាយជាប្រមុខរដ្ឋនេះ ប្រហែលជាលំបាកបន្តិច។ប្រភពវិទ្យុវាយោអែហ្វអ៊ឹម (FM)