Cambodian Voter's Voice

នាយករដ្ឋមន្ត្រីថា តម្លៃធ្វើប័ណ្ណបើកបររថយន្តនឹងត្រូវបញ្ចុះយ៉ាងតិចពាក់កណ្ដាល

2016-01-08 10:00:00 4745 Views

លោកនាយករដ្ឋមន្ត្រី ហ៊ុន សែន នៅថ្ងៃព្រហស្បតិ៍ ប្រកាសថា តម្លៃធ្វើប័ណ្ណបើកបររថយន្តនឹងត្រូវបញ្ចុះយ៉ាងតិចពាក់កណ្ដាល ទោះតម្លៃថ្មីនៅមិនទាន់បានកំណត់នៅឡើយនៅពេលនេះ។លោកនាយករដ្ឋមន្ត្រីបានថ្លែងឲ្យដឹងបែបនេះតាមរយៈវីដេអូឃ្លីបមួយ ដែលត្រូវបានបង្ហោះនៅលើទំព័រហ្វេសប៊ុករបស់លោកនៅរសៀលថ្ងៃនេះ ដែលលោកថា ដើម្បីពន្យល់បញ្ជាក់អំពីចំណុចសំខាន់ៗមួយចំនួនដែលជាកង្វល់របស់ពល រដ្ឋចំពោះការអនុវត្តន៍ច្បាប់ចរាចរណ៍ថ្មី។លោក ហ៊ុន សែន មានប្រសាសន៍ថា លោកបានពិភាក្សាជាមួយរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុតាំងពីមុនដាច់ឆ្នាំ២០១៥ នៅពេលលោកប្រកាសឲ្យផ្អាកការផ្ដល់ប័ណ្ណបើកបរ គឺត្រូវបញ្ចុះតម្លៃឲ្យបានយ៉ាងតិចពាក់កណ្ដាល។