Cambodian Voter's Voice

នាយករដ្ឋមន្ត្រីប្រកាសកាត់បន្ថយថ្លៃប្រើប្រាស់អគ្គិសនីរដ្ឋនៅឆ្នាំ២០១៧

2016-01-11 14:40:00 4768 Views

នាយករដ្ឋមន្ត្រីហ៊ុន សែន បានប្រកាសបន្ថយថ្លៃប្រើប្រាស់អគ្គិសនីរដ្ឋនៅ ត្រឹមតែ ៦១០រៀលក្នុងមួយគីឡូវ៉ាត់ម៉ោង សម្រាប់ការប្រើប្រាស់ក្រោម៥០គីឡូវ៉ាត់ម៉ោង លោកអះអាងថា ដើម្បីសម្រួលដល់ជីវភាពរបស់ប្រជាពលរដ្ឋ។នាយករដ្ឋមន្ត្រី ហ៊ុន សែន បានសរសេរនៅលើទំព័រហ្វេសប៊ុករបស់ខ្លួនកាលពីរសៀលថ្ងៃទី១០ ខែ មករា នេះថា ឆ្នាំ២០១៧រដ្ឋាភិបាលសម្រេចបន្ធូរបន្ថយតម្លៃប្រើប្រាស់ ចន្តរអគ្គិសនីរដ្ឋបន្ថែមទៀតដែលលោកអះអាងថា ដើម្បីសម្រួលដល់ជីវភាពរស់នៅប្រចាំថ្ងៃរបស់ប្រជាពលរដ្ឋ។

លោកសរសេរបន្ថែមថា៖ “ខ្ញុំសូម ជម្រាបជូនបងប្អូនជនរួមជាតិអោយបានជ្រាបថា ចាប់ពី ខែ មេសា ឆ្នាំ ២០១៧ ទៅ ចំពោះប្រជាពលរដ្ឋដែលប្រើប្រាស់បណ្តាញអគ្គីសនីរដ្ឋក្នុងបរិមាណពី ៥០ គីឡូវ៉ាត់ម៉ោងក្នុងមួយខែចុះក្រោម គឺបង់ថ្លៃត្រឹមតែ ៦១០ រៀល តែប៉ុណ្ណោះ” ។