Cambodian Voter's Voice

គម្រោងជួបគ្នារវាង គណបក្សប្រជាជននិងសង្គ្រោះជាតិ ត្រូវលើកពេល

2016-01-14 08:45:00 4697 Views

តាមការគ្រោងទុក តំណាងគណបក្សប្រជាជនកម្ពុជា និងគណបក្សសង្គ្រោះជាតិ នឹងជួបពិភាក្សាគ្នាជាថ្មី ទៀតនៅម៉ោង២រសៀលថ្ងៃទី១៣ មករា តាមការព្រមព្រៀងគ្នា កាលពីថ្ងៃទី៤មករា ដើម្បីពិភាក្សាលើចំណុចសេសសល់មួយចំនួន។ ប៉ុន្តែគម្រោងជួបគ្នានេះ ត្រូវបានលើកពេលទៅ ទី១៤ មករាវិញ។ នេះបើតាមការឲ្យដឹងពី មន្ត្រីនៅរដ្ឋសភាជាតិ។ កាលពីថ្ងៃទី៤មករា តំណាងបក្សទាំងពីរបានជួបគ្នា និងបានពិភាក្សាទៅលើសំណើ របស់សហជីព២១ចំណុច ប៉ុន្តែភាគីទាំង២ទើបនឹងពិភាក្សាបានតែ២ចំណុចប៉ុណ្ណោះ។សេចក្តីព្រាងច្បាប់សហជីពនេះ មាន១៧ជំពូក និង៩១មាត្រា ស្ថិតនៅក្នុងភាពប្រទាញប្រទង់គ្នា រវាងសហជីពនិងក្រសួងការងារ ដោយខាងសហជីពមិនចង់ឲ្យរដ្ឋសភាអនុម័ត ដោយលើកហេតុផលថា ច្បាប់នេះ បានបិទសិទ្ធិសេរីភាពក្នុងការបញ្ចេញមតិ៕