សម្លេងម្ចាស់ឆ្នោត​កម្ពុជា

មន្រ្តីគណបក្ស ​សង្រ្គោះជាតិ​ឲ្យ​ដឹង​ថា​ប្រធានស្តីទី​លោក កឹម សុខា នឹងជួប​ជាមួយ​រដ្ឋមន្រ្តីការបរទេសអាមេរិក​ លោក ចន ឃេរី(John Kerry)​ នៅពេល​លោក​មកបំពេញទស្សនកិច្ច​នៅកម្ពុជា​នៅ​ដើម​សប្តាហ៍ក្រោយ ដោយ​ថា​នឹង​លើក​យកបញ្ហា​បោះឆ្នោត​និង​ស្ថានការណ៍នយោបាយ​ទៅពិភាក្សា។​រដ្ឋមន្ត្រីក្រសួងការបរទេសសហរដ្ឋអាមេរិកលោក ចន ឃេរី ​នឹងមក​​បំពេញ​ទស្សនកិច្ចផ្លូវ​ការ​នៅ​កម្ពុជា​ចំនួន​២​ថ្ងៃ គឺ​ចាប់ពីថ្ងៃទី​២៥ដល់ទី​២៦ខែ​មករា ដើម្បី​ពង្រឹង​ទំនាក់ទំនងទ្វេភាគី រវាងប្រទេសទាំងពីរ។ ដំណើរទស្សនកិច្ច​របស់​លោក​​ធ្វើឡើង​មុនពេល​ដែល​មេដឹកនាំប្រទេស​ ជាសមាជិកអាស៊ាន​រួមមាន​លោកនាយករដ្ឋមន្រ្តីខ្មែរផងដែរ នឹងទៅបំពេញទស្សនកិច្ច​នៅសហរដ្ឋាមេរិកនៅពាក់កណ្តាលខែកុម្ភៈ។អ្នកលោក យឹម សុវណ្ណ នាំពាក្យគណបក្ស​សង្រ្គោះជាតិ បានឲ្យដឹងថាលោក កឹម សុខា នឹង​ជួប​ជាមួយ​រដ្ឋមន្រ្តីការបរទេស​អាមេរិក តែ​លោកមិនទាន់​បញ្ជាក់​ពីពេលវេលាជាក់លាក់​​និង​ទីកន្លែង​សម្រាប់ជំនួប​នេះ​ នៅឡើយទេ។