Cambodian Voter's Voice

គណបក្សប្រជាជន និងគណបក្សសង្គ្រោះជាតិកំពុងយក“បាតុកម្ម”ធ្វើចំណាត់ខ្មាំងគំរាមគ្នា

2016-02-09 17:00:00 4733 Views

អ្នកនាំពាក្យគណបក្សប្រជាជនកម្ពុជាបានព្រមានថាប្រសិនបើគណបក្សប្រឆាំង នៅពីក្រោយបាតុករប្រឆាំងសម្តេច ហ៊ុន សែននៅអាមេរិកនោះ នៅក្នុងប្រទេសកម្ពុជា ក៏នឹងអាចមានបាតុកម្មប្រឆាំងនឹងគណបក្សសង្គ្រោះជាតិវិញផងដែរ។ជាការឆ្លើយតបគណបក្សសង្គ្រោះជាតិ បានបញ្ជាក់ថា គណបក្សសង្គ្រោះជាតិគ្មានគោលការរៀបចំបាតុកម្មនោះទេ។អ្នកនាំពាក្យគណបក្សប្រជាជនកម្ពុជា លោក សុខ ឥសាន្ត បានអះអាងនៅថ្ងៃនេះថា អ្នកគាំទ្រគណបក្សសង្គ្រោះជាតិ មានសិទ្ធិធ្វើបាតុកកម្ម អ្នកគាំទ្រគណបក្សប្រជាជនកម្ពុជា ក៏មានសិទ្ធិធ្វើបាតុកម្មតបវិញផងដែរ។ លោកសុខ ឥសាន្ត បានព្រមានថា ប្រសិនបើជា គណបក្សប្រឆាំង គាំទ្រនៅពីក្រោយខ្នង បាតុករប្រឆាំងសម្តេច ហ៊ុន សែន នៅអាមេរិក នៅក្នុងប្រទេសកម្ពុជា ក៏នឹងអាចមាន បាតុកម្មប្រឆាំងវិញផងដែរ។ លោកសុខ ឥសាន្តបញ្ជាក់ចំណុចនេះថា ព្រោះនេះជាសិទ្ធិបុគ្គល!