សម្លេងម្ចាស់ឆ្នោត​កម្ពុជា

លោក ឈាង វុន អ្នកនាំពាក្យសំឡេង ភាគច្រើន ក្នុងរដ្ឋសភា នៅព្រឹកថ្ងៃទី ១៨ ខែ កុម្ភៈ ឆ្នាំ ២០១៦នេះ បានអះអាងថា បើគណបក្សសង្រ្គោះជាតិ (CNRP) ស្នើដាក់លោក ប៉ុល ហំម ប្រធាន គណៈកម្មាធិការទី៣រដ្ឋសភា ជាបេក្ខភាពអនុប្រធានទី១រដ្ឋសភា ជំនួសលោកកឹម សុខា ជាការល្អ និងធ្វើឲ្យវប្បធម៌សន្ទនាកាន់តែរលូនជាងមុនថែមទៀត។លោក ឈាង វុន បានផ្ដល់បទសម្ភាសន៍ដល់ក្រុមអ្នកសារព័ត៌មាននាវិមានរដ្ឋសភានៅព្រឹកថ្ងៃទី១៨ កុម្ភៈ ថា " គាត់ចាស់ទុំ លោក ប៉ុល ហំម ហើយបទពិសោធន៍ការងារនយោបាយ ។ គាត់ចាស់ទុំ យើងធ្លាប់ធ្វើការជាមួយគ្នា ហើយថ្មីៗនេះយើងចេញទៅតស៊ូនយោបាយ។  ខ្ញុំដឹកនាំគណៈប្រតិភូទៅ ហើយគាត់ជាសមាជិក ខ្ញុំមានតែអបអរសាទរទេ ក្នុងនាមគណបក្សប្រជាជនកម្ពុជាទាំងអស់ អបអរ សាទរ ហើយគណបក្សសង្រ្គោះជាតិ ក៏ត្រូវអបអរសាទរដែរ ដើម្បីនឹងជំរុញការឲ្យវប្បធម៌ សន្ទនាកាន់តែល្អប្រសើរ"។