សម្លេងម្ចាស់ឆ្នោត​កម្ពុជា

លោក ហ៊ុន សែន នាយករដ្ឋមន្រ្តីនៃកម្ពុជា ជាថ្មីម្តងទៀត បានបញ្ជាទៅកាន់នាយឧត្តមសេនីយ៍ សៅ សុខា ប្រធានគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសព្រៃឈើ ឲ្យបាញ់គ្រាប់រ៉ុក្កែតពីលើ ឧទ្ធម្ភាគចក្រ ប្រសិនមានជនព្រហើន និងរញ៉ែរញ៉ៃ ហើយបន្តកាប់ឈើខុសច្បាប់នោះ។ ប្រសាសន៍របស់ សម្តេចតេជោ បែបនេះ ធ្វើឡើងក្នុងពិធីបើកសន្និបាត និងសម្ពោធអគារ មរតកតេជោ នៅក្រសួងបរិស្ថាន នៅនាទីព្រឹកថ្ងៃទី២៥ ខែកុម្ភៈ ឆ្នាំ២០១៦នេះ។លោក ហ៊ុន សែន បានមានប្រសាសន៍បញ្ជាក់ថា "យើងទទួលនូវការឈឺចាប់ណាស់ នៅពេលដែលគេស្រែក ជាពិសេសពាក់ព័ន្ធ និងការកាប់បំផ្លាញព្រៃឈើ ប៉ុន្តែយើងទទួលស្គាល់អាកាប់ព្រៃឈើបំផ្លាញនេះ ត្រូវតែមានទោសទណ្ឌ ត្រូវតែបង្ក្រាបហើយ ខ្ញុំឲ្យឧទ្ធម្ភាគចក្រពីរគ្រឿង សៅ សុខា ដូចជាមិនទាន់បាញ់ មួយគ្រាប់ផងទេ"។