សម្លេងម្ចាស់ឆ្នោត​កម្ពុជា

លោក ហ៊ុន សែន ប្រមុខរាជរដ្ឋាភិបាលកម្ពុជា នៅព្រឹកថ្ងៃទី ១ ខែ មីនា ឆ្នាំ ២០១៦នេះ បានបើកដាក់ឲ្យ ដំណើរការ Inbox ក្នុងហ្វេសប៊ុក សម្រាប់ទទួលសារ និងលិខិតបណ្ដឹងផ្សេងៗ ពីប្រជាពលរដ្ឋ ដើម្បីលុបបំបាត់ អំពើពុករលួយ និងផ្តល់នូវយុត្តិធម៌សង្គម។លោក ហ៊ុន សែន បានសរសេរក្នុងបណ្ដាញ ទំនាក់ទំនង សង្គមហ្វេសប៊ុកថា លោក ហ៊ុន សែន មិនត្រឹមតែជានាយករដ្ឋមន្រ្តីល្អ និងជាប្រធាន គណបក្សប្រជាជនល្អ តែប៉ុណ្ណោះទេ លោកគឺជាស្វាមីល្អ ជាឪពុកល្អ និងជាជីតាដ៏ល្អរបស់ចៅៗ។ លោកតែងតែធ្វើជាគម្រូល្អ ដល់យុវជន និង យកចិត្តទុកដាក់ គិតគូរ ដល់អាយុជីវិត សុខទុក្ខ និងការរស់នៅ របស់ប្រជាពលរដ្ឋជានិច្ច។លោកបានសរសេរបន្ថែមថា "ដើម្បីចូលរួមកសាងសង្គមជាតិ អោយកាន់តែ រីកចម្រើនខ្លាំងទៅមុខ ជាពិសេសដើម្បី លើកកម្ពស់ ជីវភាពរស់នៅ ប្រជាពលរដ្ឋ ទប់ស្កាត់ និងលុបបំបាត់ អំពើពុករលួយ និងផ្តល់នូវយុត្តិធម៌សង្គម សូមបងប្អូនជនរួមជាតិ ចូលរួមជាមួយ លោក ទាំងអស់គ្នា។ ជនរួមជាតិអាចផ្ញើជាសារ និងលិខិតផ្សេងៗ (pdf/MS Words) រួមជាមួយឯកសារ ភ្ជាប់នានាមកកាន់ (Inbox) នៅក្នុងគេហទំព័រនេះ "។