សម្លេងម្ចាស់ឆ្នោត​កម្ពុជា

ទីបំផុតគណៈកម្មាធិការអចិន្ត្រៃយ៍រដ្ឋសភា បានសម្រេចយកថ្ងៃទី៤ ខែមេសា ឆ្នាំ២០១៦ មុនចូលឆ្នាំខ្មែរ ដើម្បីបើកកិច្ចប្រជុំ ពិភាក្សាអនុម័តលើ សេចក្តីព្រាងច្បាប់ ដ៏ចម្រូងចម្រាស់រវាង ក្រសួងការងារ និងបណ្តុះបណ្តាល វិជ្ជាជីវៈ ជាមួយក្រុមសហជីព ប៉ុន្តែ គណបក្សប្រឆំាង សង្រ្គោះជាតិ (CNRP) មិនលើកដៃគំាទ្រ។អ្នកនំាពាក្យរដ្ឋសភា និងជាសមាជិកគណៈកម្មាធិការ អចិន្ត្រៃយ៍រដ្ឋសភា លោក ឈាង វុន បានប្រាប់ អ្នកសារព័ត៌មាន ក្រោយកិច្ចប្រជុំ គណៈកម្មាធិការ អចិន្ត្រៃយ៍ នាព្រឹកថ្ងៃទី១១ ខែមិនា ឆ្នាំ២០១៦ថា  ក្នុងកិច្ចប្រជុំអចិន្ត្រៃយ៍ មិនមានការ កែប្រែ ចំណុចណាមួយ លើសេចក្តីព្រាង ច្បាប់សហជីពនោះឡើយ ព្រោះថា អចិន្ត្រៃយ៍ មិនមានសិទ្ធិកែប្រែនោះទេ គ្រាន់អចិន្ត្រៃយ៍មានសិទ្ធិ ទទួលយកឬមិន ទទួលយកតែប៉ុណ្ណោះ”។លោកបន្ថែមថា តាមរយបាយការណ៍របស់ គណៈកម្មការជំនាញ ផ្ញើមកគណៈគម្មាធិការ អចិន្ត្រៃយ៍រដ្ឋសភា បានកែសម្រួល មួយចំនូនហើយ ចំណែកមួយចំនួនទៀត មិនអាចកែប្រែនោះទេ។