Cambodian Voter's Voice

ក្រសួងមហាផ្ទៃមិនផ្តល់ទិដ្ឋាការឲ្យអាឡិច ទោះមានបណ្តឹងតុលាការ

2016-03-29 11:00:00 4787 Views

មន្ត្រីជាន់ខ្ពស់ក្រសួងមហាផ្ទៃព្រមានចាត់វិធានការផ្លូវច្បាប់ ទៅលើលោក អាឡិច ហ្សង់ដ្រូ ស្ថាបនិកអង្គការចលនាមាតាធម្មជាតិបើជនបរទេសរូបនេះនៅតែរឹងរូស ចូលមកកម្ពុជាដើម្បីតទល់រឿងក្តីនៅសាលាដំបូងខេត្តកោះកុងដោយ គ្មានការអនុញ្ញាតតែយ៉ាងណាមេធាវីរបស់លោក អាឡិច បានដាក់ពាក្យប្តឹងទៅសាលាឧទ្ធរណ៍សុំដីកាដំណោះស្រាយក្រោយពី ចៅក្រមចេញដីកាបង្គាប់ឲ្យចាប់ខ្លួនលោក។លោក អាឡិច ត្រូវបានរដ្ឋាភិបាលបណ្តេញចេញពីកម្ពុជាកាលពីខែកុម្ភៈឆ្នាំ ២០១៥ និងបានដាក់ឈ្មោះចូលក្នុងបញ្ជីខ្មៅហាមចូលមកកម្ពុជាក្រោយពីលោក ចូលរួមយ៉ាងសកម្មប្រឆាំងនឹងការធ្វើទំនប់វារីអគ្គិសនីនៅតំបន់ អារ៉ែង និងការបូមខ្សាច់នៅខេត្តកោះកុង។ លោក អាឡិច ត្រូវបានតុលាការខេត្តកោះកុងចោទប្រកាន់ពីបទ «សមគំនិតក្នុងអំពើគំរាមកំហែង និងធ្វើឲ្យខូចខាតដោយភ្ជាប់នូវបញ្ជាអ្វីមួយ» ហើយចេញដីកាបង្គាប់ឲ្យចាប់ខ្លួនកាលពីថ្ងៃទី ១៨ មករាក្រោយពីលោកពុំបានចូលបំភ្លឺតាមដីកាកោះ។ប្រភពភ្នំពេញប៉ុស្ដិ៍