Cambodian Voter's Voice

អំពើពុករលួយនយោបាយនិងការប្រើប្រាស់ធនធានរដ្ឋមិនត្រឹមត្រូវមានការកើនឡើងរហូត២៩៧ករណី

2016-03-30 09:50:00 4763 Views

របាយការណ៍ខុមហ្វ្រែលប្រចាំឆ្នាំ២០១៥ បានបង្ហាញថា យ៉ាងហោចណាស់មាន២៩៧ករណី ដែលជាអំពើពុករលួយផ្នែកនយោបាយនិងការប្រើប្រាស់ធនធានរដ្ឋមិនត្រឹមត្រូវ ប្រព្រឹត្តឡើងដោយរដ្ឋាភិបាលនៃគណបក្សកាន់អំណាច។ ចំនួននេះមានការកើនឡើងជាងឆ្នាំមុន៨០ករណី។ក្នុងចំណោម២៩៧ករណីនៃអំពើពុករលួយផ្នែកនយោបាយនិងការប្រើប្រាស់ធនធានរដ្ឋមិនត្រឹមត្រូវ គឺ១១ករណីពាក់ព័ន្ធការរំលោភអំណាចកើតចេញពីមន្ត្រី តុលាការ ព្រឹទ្ធសភា រដ្ឋសភា រដ្ឋាភិបាល និង គណបក្សនយោបាយ។ ភាពមិនប្រក្រតីនិងការកិបកេងដោយមន្ត្រីសាធារណៈក្នុងមុខតំណែងមានចំនួន១៣៥ករណី។ទាំងនេះគឺជាអំពើពុករលួយផ្នែកនយោបាយ។ហើយ ការប្រើប្រាស់ធនធានរដ្ឋមិនត្រឹមត្រូវដែលមានគោលបំណងបម្រើផលប្រយោជន៍ឲ្យគណបក្សនយោបាយមានចំនួន១៣៣ករណី។ ប៉ុន្តែការប្រើប្រាស់យានយន្តរបស់រដ្ឋមិនត្រឹមត្រូវមានការធ្លាក់ចុះ។ ការធ្លាក់ចុះក៏ដោយសារតែរដ្ឋាភិបាលបានដាក់ចេញនូវវិធានការណែនាំ និង ចាត់ការវិធានការជាក់ស្ដែងដោយក្រសួងមួយចំនួនដូចជាៈក្រសួងមហាផ្ទៃ។ ចំពោះករណីមិនប្រក្រតីនៃសំណូកនិងការកិបកេងរបស់មន្ត្រីនយោបាយមានអាណត្តិដោយការបោះឆ្នោតមាន១១ករណី និង ភាពមិនប្រក្រតីពាក់ព័ន្ធនឹងការតែងតាំងខ្សែស្រឡាយសាច់ញាតិមានចំនួន៨ករណី។