Cambodian Voter's Voice

រដ្ឋសភានឹងបើកកិច្ចប្រជុំអនុម័តសេចក្ដីព្រាងច្បាប់សហជីពនៅថ្ងៃទី៤មេសា

2016-03-31 10:44:00 4728 Views

រដ្ឋសភា នឹងបើកកិច្ចប្រជុំអនុម័តសេចក្តីព្រាងច្បាប់ស្ដីពីសហជីព និងផ្ដល់សេចក្ដីទុកចិត្តសមាសភាពសមាជិករដ្ឋាភិបាល ដែលត្រូវកែសម្រួលនៅព្រឹកថ្ងៃទី៤ ខែមេសា ខាងមុខ។សេចក្ដីប្រកាសព័ត៌មានរបស់អគ្គលេខាធិការដ្ឋានរដ្ឋសភា ឲ្យដឹងថា គណៈកម្មាធិការអចិន្ត្រៃយ៍រដ្ឋសភា ដែលបានបើកកិច្ចប្រជុំនៅព្រឹកថ្ងៃទី៣០ ខែមីនា បានសម្រេចរបៀបវារៈសម្រាប់កិច្ចប្រជុំសភាលើកទី៦ នីតិកាលទី៥ ចំនួន ៥ចំណុច។ចំណុចទាំងនោះរួមមាន ពិនិត្យរបាយការណ៍កិច្ចប្រជុំសភា បោះឆ្នោតជ្រើសតាំងសមាជិកក្រុមប្រឹក្សារដ្ឋធម្មនុញ្ញចំនួន ១រូប បោះឆ្នោតផ្ដល់សេចក្ដីទុកចិត្តសមាសភាពរដ្ឋាភិបាលដែលត្រូវបានកែសម្រួល និងបំពេញបន្ថែមចំនួន ២៦រូប និងពិភាក្សាអនុម័តសេចក្ដីព្រាងច្បាប់សហជីព៕