សម្លេងម្ចាស់ឆ្នោត​កម្ពុជា

លោកកឹម សុខា ប្រធានស្ដីទី គណបក្សសង្រ្គោះជាតិ (CNRP) នៅថ្ងៃទី ៣១ ខែ មីនាឆ្នាំ២០១៦នេះ បានស្នើដល់សហគមន៍ អឺរ៉ុប(EU) ឲ្យជួយពង្រឹង លទ្ធិប្រជាធិបតេយ្យ នៅកម្ពុជា ជាពិសេស សម្រាប់ការបោះឆ្នោត ជ្រើសរើសក្រុមប្រឹក្សា ឃុំ-សង្កាត់ ឆ្នាំ២០១៧ និងបោះឆ្នោតជ្រើរើស តំណាងរាស្រ្តឆ្នាំ ២០១៨ ធ្វើយ៉ាងណាឲ្យមានលក្ខណៈ សេរី ត្រឹមត្រូវ និងយុត្ដិធម៌។លោកកឹម សុខា បានសរសេរក្នុងបណ្ដាញ ទំនាក់ទំនង សង្គមហ្វេសប៊ុកថា នៅល្ងាចថ្ងៃព្រហស្បតិ៍ ទី៣១ ខែមីនា ឆ្នាំ២០១៦ លោកបានដឹកនាំ គណៈប្រតិភូ គណបក្សសង្គ្រោះជាតិ ជួបប្រជុំពិភាក្សា ការងារជាមួយ គណៈប្រតិភូ សភាអឺរុប មកពីច្រើនប្រទេស ដែលមក ទស្សនកិច្ចនៅកម្ពុជា។លោកបានសរសេរបន្ថែមថា "ក្នុងជំនួបពិភាក្សាការងារនេះ យើងបានពិភាក្សាគ្នាអំពី ដំណើរការ លទ្ធិប្រជាធិបតេយ្យ នៅកម្ពុជា ដែលក្នុងនោះ ខ្ញុំបានស្នើដល់សហគមអឺរុប បន្ដការជួយលើការបោះឆ្នោត ដើម្បីឲ្យមានលក្ខណៈសេរី ត្រឹមត្រូវ និងយុត្ដិធម៌ "។ប្រភពដើមអំម្ពិល