សម្លេងម្ចាស់ឆ្នោត​កម្ពុជា

ប្រជាពលរដ្ឋនៅស្រុកមុខកំពូលខេត្តកណ្ដាលនាំគ្នាតវ៉ានៅថ្ងៃពុធនេះ ដោយពួកគេអះអាងថាអាជ្ញាធរយកដីពលរដ្ឋដែលពួកគេកំពុងអាស្រ័យផលទៅលក់ឲ្យក្រុមហ៊ុនចិន។ប្រជាពលរដ្ឋឲ្យដឹងថា អ្នកភូមិជាង២០គ្រួសារបានលើកគ្នាតវ៉ានៅចំណុចដីមានជម្លោះស្ថិតក្នុងភូមិជ្រោយមេត្រីក្រោម ឃុំឬស្សីជ្រោយ ស្រុកមុខកំពូល ដើម្បីទាមទារឲ្យអាជ្ញាធរប្រគល់ដីជូនពលរដ្ឋវិញនិងបញ្ឈប់ការឈូសឆាយជាបន្ទាន់។ប្រជាពលរដ្ឋម្នាក់ដែលអះអាងថាធ្វើកសិកម្មលើដីនោះតាំងពីឆ្នាំ១៩៩១ អ្នកស្រី ម៉ៅ រិនឌី ប្រាប់វីអូឌីតាមទូរស័ព្ទថាអាជ្ញាធរភូមិឃុំ ថាដីរបស់ពលរដ្ឋទាំងនោះជាកម្មសិទ្ធិរបស់រដ្ឋ ហើយអាជ្ញាធរបែរជាសហការគ្នាយកដីទាំងនោះទៅលក់ទៅវិញ។ អ្នកស្រីបន្ថែមថាអាជ្ញាធរកំពុងតែឲ្យក្រុមហ៊ុនចិនដាក់គ្រឿងចក្រឈូសឆាយនិងកាយយកដីរបស់ពលរដ្ឋទៀតផង។ច្រភពVOD

http://vodhotnews.com/2016/04/people-in-kandal-protest-with-authority-about-land/