សម្លេងម្ចាស់ឆ្នោត​កម្ពុជា

អង្គភាពប្រឆាំងអំពើពុករលួយច្រានចោលការលើកឡើងថា អង្គភាពនេះឃាត់ខ្លួនមេឃុំម្នាក់របស់គណបក្សសម រង្ស៊ី ក្នុងខេត្តកំពង់ចាម ទៅតាមលិខិតចំហរ៤ទំព័ររបស់កញ្ញា ខុម ចាន់តារ៉ាទី ហៅស្រីមុំ ដោយអង្គភាពនេះអះអាងថា ការឃាត់ខ្លួនធ្វើឡើយងដោយយោងតាមចម្លើយរបស់មេឃុំរូបនេះប៉ុណ្ណោះ។កាលពីថ្ងៃអាទិត្យ មេឃុំស្រក លោក ស៊ាង ចែត ត្រូវបានរាយការណ៍ថាត្រូវមន្ត្រីនគរបាលយុត្តិធម៌របស់អង្គភាពប្រឆាំងអំពើពុករលួយឃាត់ខ្លួននៅសាលាស្រុកកំពង់សៀម ខេត្តកំពង់ចាម។ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង ថ្លែងក្នុងសន្និសីទសារព័ត៌មាននៅអង្គភាព នារសៀលថ្ងៃចន្ទនេះថា ដើមឡើយ អង្គភាពមិនបានចាប់ខ្លួន ឬឃាត់ខ្លួន លោក ស៊ាង ចែត ដូចការលើកឡើងក្នុងបណ្តាញសារព័ត៌មាន និងសេចក្តីប្រកាសព័ត៌មានរបស់គណបក្សប្រឆាំងនោះទេ ដោយលោកថា អង្គភាពបានអញ្ជើញលោក ស៊ាង ចែត ទៅកាន់អង្គភាពដើម្បីបន្តស្តាប់ចម្លើយ។ប្រភពVOD

http://vodhotnews.com/2016/04/acu-protects-its-action-over-opposition-arrest