សម្លេងម្ចាស់ឆ្នោត​កម្ពុជា

គណបក្សនយោបាយ មួយចំនួន បានលើកឡើងថា ការដោះស្រាយបញ្ហា ទឹករបស់រាជរដ្ឋាភិបាល កម្ពុជាធ្វើឡើងទាន់ ពេលវេលា ខណៈកម្ពុជាកំពុង ប្រឈមការខ្វះខាតទឹកប្រើប្រាស់ដែលបង្កឡើងដោយការប្រែប្រួលអាកាសធាតុ។
ការលើកឡើងរបស់ គណបក្សនយោបាយទាំងនេះធ្វើឡើង បន្ទាប់ពីការអំពាវនាវ និងការទន្ទឹងរង់ចាំមើលរបស់ សម្ដេតេជោ ហ៊ុន សែន ថាតើមានគណបក្សនយោបាយ ណាខ្លះចូលរួមដោះស្រាយបញ្ហា ទឹកជាមួយរាជរដ្ឋាភិបាលដឹកនាំ ដោយគណបក្សប្រជាជន កម្ពុជាទេ?ថ្លែងប្រាប់មជ្ឈមណ្ឌល ព័ត៌មាន ដើមអម្ពិលនៅព្រឹកថ្ងៃពុធ ទី២៧ ខែមេសាឆ្នាំ២០១៦ នេះ លោក សាម អ៊ីន អ្នកនាំពាក្យគណបក្ស ប្រជាធិបតេយ្យមូលដ្ឋានឲ្យដឹងថា ការចូលរួមរបស់គណបក្សលោក ក្នុងការចូលរួមដោះស្រាយបញ្ហាទឹក ជាមួយរាជរដ្ឋាភិបាល ធ្វើទៅបាន តាមរយៈផ្ដល់ជាគោលនយោបាយ គំនិត យោបល់ ដើម្បីដាក់ជូនរាជរដ្ឋាភិបាល ឬ ប្រជាពលរដ្ឋ ក្នុងការពិចារណា។ប្រភពដើមអម្ពិល

http://www.dap-news.com/kh