Cambodian Voter's Voice

អាជ្ញាធរខេត្តកណ្ដាលនៅតែមិនអនុញ្ញាតឲ្យបក្សសង្គ្រោះជាតិលើកអង់តែនទូរទស្សន៍

2016-04-27 15:25:00 4762 Views

អាជ្ញាធរខេត្តកណ្ដាល នៅតែមិនអនុញ្ញាតឲ្យគណបក្សសង្គ្រោះជាតិ លើកអង់តែនទូរទស្សន៍ព្រះអាទិត្យ (SUN TV) នៅភូមិស្ទឹងជ្រៅ សង្កាត់ដើមមៀន ក្រុងតាខ្មៅ តាមការស្នើសុំរបស់បក្សប្រឆាំងនៅឡើយ ក្រោមហេតុផលថា មានការតវ៉ាពីប្រជាពលរដ្ឋ ២១នាក់។ នេះបើតាមការអះអាងរបស់អភិបាលក្រុងតាខ្មៅ។ ចំណែកមន្ត្រីគណបក្សប្រឆាំងចាត់ទុកថា ការបដិសេធនេះ គឺជារឿងនយោបាយច្រើនជាង។ការផ្តល់ចម្លើយអវិជ្ជមានដល់គណបក្សសង្គ្រោះជាតិ នៅពេលនេះ ត្រូវបានអភិបាលក្រុងតាខ្មៅ លោក ហេង ធាម ពន្យល់ថា មិនជាប់ពាក់ព័ន្ធជាមួយបញ្ហានយោបាយឡើយ។ ផ្ទុយទៅវិញ គឺដោយសារមានប្រជាពលរដ្ឋ ២១នាក់ នៅភូមិស្ទឹងជ្រៅ សង្កាត់ដើមមៀន ក្រុងតាខ្មៅ បានផ្ដិតមេដៃតវ៉ាមិនអនុញ្ញាតឲ្យមានការសាងសង់អង់តែនទូរទស្សន៍នៅទីនោះទេ ខ្លាចសាយភាយវិទ្យុសកម្មនាំឲ្យប៉ះពាល់សុខភាពពួកគាត់។ប្រភពRFA

http://www.rfa.org/khmer/news/politics/sun-tv-update-04262016060300.html