សម្លេងម្ចាស់ឆ្នោត​កម្ពុជា

នៅព្រឹកថ្ងៃពុធនេះ អង្គភាពក៏បានសាកសួរអតីតមេធាវីរបស់ស្រីមុំ គឺអ្នកស្រី ទ្រី ឈូន ដែលជាមន្រ្តីរបស់អាដហុកផងដែរ ប៉ុន្តែអ្នកស្រីមិនត្រូវបានអង្គភាពឃាត់ខ្លួននោះទេ។ ក្រោយពីបញ្ចប់ការសាកសួរ អ្នកស្រី ទ្រី ឈូន បានថ្លែងថាអ្នកស្រីបានធ្វើការងារជាមេធាវីតាមក្រមសីលធម៌និងវិជ្ជាជីវៈ និងបញ្ជាក់ថាអ្នកស្រីមិនជាប់ពាក់ព័ន្ធអ្វីនឹងករណីរបស់ស្រីមុំនោះទេ។នៅថ្ងៃព្រហស្បតិ៍ស្អែកនេះ អង្គភាពនឹងសាកសួរមន្រ្តីអាដហុកម្នាក់ទៀត គឺ លោកស្រី លឹម មុនី នៅវេលាម៉ោង១០ព្រឹក។ ការកោះហៅរបស់ACUគឺដើម្បីស្តាប់ចម្លើយពាក់ព័ន្ធនឹងការណែនាំឲ្យកញ្ញាស្រីមុំ ផ្តល់ចម្លើយដល់អាជ្ញាធរមានសមត្ថកិច្ច។ACUកោះហៅមន្រ្តីសង្គមស៊ីវិលនេះបន្ទាប់ពីកញ្ញា ស្រី មុំ បានសរសេរលិខិតចំហមួយ ដោយលើកឡើងថាមន្រ្តីសង្គមស៊ីវិលមួយចំនួន រួមមានមន្រ្តីអាដហុកទាំង៥រូបដែលត្រូវបានកោះហៅ លោកស្រី ធីតា ឃឹះ និងលោក ស៊ឺន សាលី មន្រ្តីអង្គការសិទ្ធិមនុស្សនៅUN បានបង្ខំនាងឲ្យផ្តល់ចម្លើយក្លែងក្លាយនៅពេលចូលឆ្លើយបំភ្លឺនៅតុលាការ។ប្រភពVOD

http://vodhotnews.com/2016/04/acu-will-continue-questioning-adhoc-officials-tomorrow