Cambodian Voter's Voice

តុលាការសម្រេចចោទប្រកាន់មេឃុំលោក ស៊ាង ចែត ពីបទសូកប៉ាន់សាក្សី

2016-04-28 10:00:00 4757 Views

សាលាដំបូងរាជធានីភ្នំពេញ សម្រេចបញ្ជូនលោកមេឃុំ ស៊ាង ចែត ទៅឃុំខ្លួនបណ្ដោះអាសន្ននៅពន្ធនាគារព្រៃស ពាក់ព័ន្ធនឹងបទចោទ សូកប៉ាន់សាក្សី តាមមាត្រា៥៤៨ នៃក្រមព្រហ្មទណ្ឌ។ព្រះរាជអាជ្ញារង និងជាអ្នកនាំពាក្យសាលាដំបូងរាជធានីភ្នំពេញ លោក លី សុផាន់ណា បញ្ជាក់ក្រោយតំណាងអយ្យការបញ្ចប់ការសួរចម្លើយលោក ស៊ាង ចែត នៅរសៀលថ្ងៃទី២៧ មេសា ថា លោក ស៊ាង ចែត រងការចោទប្រកាន់ពីបទសូកប៉ាន់សាក្សី តាមមាត្រា៥៤៨ នៃក្រមព្រហ្មទណ្ឌ។មាត្រា៥៤៨ នៃក្រមព្រហ្មទណ្ឌ បញ្ជាក់ថា បុគ្គលណាដែលប្រគល់ឲ្យសាក្សីដោយផ្ទាល់ ឬប្រយោល នូវអំណោយ ជំនូន ការសន្យា ឬអត្ថប្រយោជន៍អ្វីមួយ ដើម្បីមិនធ្វើជាសាក្សី ឬផ្ដល់សក្ខីកម្មភូតកុហក នឹងត្រូវផ្ដន្ទាទោសដាក់ពន្ធនាគារពី៥ ដល់១០ឆ្នាំ។ប្រភពRFA

http://www.rfa.org/khmer/news/law/Seangchaet-on-sreymom-accusation-04272016040717.html