សម្លេងម្ចាស់ឆ្នោត​កម្ពុជា

គណៈមេធាវីទាមទារឲ្យលោកស្រី ទ្រី ឈួន ជាមេធាវីនៅសមាគមអាដហុកបំភ្លឺករណីដែលលោកស្រីឈប់ការពារក្តីជូន កញ្ញា ខុម ច័ន្ទដារ៉ាទី ហៅស្រីមុំ។ក្នុងលិខិតចុះថ្ងៃទី២៦ខែមេសា គណៈមេធាវីកម្ពុជាបានសរសេរថា “បន្ទាប់ពីសមាគមអាដហុកចេញសេចក្តីប្រកាសព័ត៌មានស្តីពីការមិនបន្តផ្តល់មេធាវីការពារក្តីចំពោះកញ្ញា ខុម ច័ន្ទដារ៉ាទី ហៅស្រីមុំនោះ គណៈមេធាវីបានសង្កេតឃើញបណ្តាសារព័ត៌មាននានាបានផ្សាយនូវព័ត៌មានផ្សេងៗគ្នាដែលធ្វើឲ្យមានមន្ទិលសង្ស័យថា មានការបំពានលើឯករាជ្យភាពនិងសេរីភាពនៃវិជ្ជាជីវៈមេធាវី”។ដោយយោងលើករណីនេះ គណៈមេធាវីស្នើឲ្យលោកស្រី ទ្រី ឈួន ជាមេធាវីនៅសមាគមអាដហុក “ធ្វើរបាយការណ៍មកគណៈមេធាវីឲ្យបានឆាប់ ដើម្បីឲ្យគណៈមេធាវីចាត់វិធានការស្របតាមច្បាប់និងបទបញ្ញត្តិជាធរមាន”។លោកស្រី ទ្រី ឈូន មានប្រសាសន៍ថា លោកស្រីទើបបានទទួលលិខិតពីគណៈមេធាវីហើយ ប៉ុន្តែលោកស្រីមិនទាន់សម្រេចថានឹងត្រូវឆ្លើយតបបែបណាឬក៏មិនត្រូវឆ្លើយតបនោះទេ៕ប្រភពVOD