សម្លេងម្ចាស់ឆ្នោត​កម្ពុជា

អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch = HRW) ជំរុញ ​ឲ្យ​មាន​ការ​ស៊ើប​អង្កេត​ស៊ី​ជម្រៅ​ករណី​អង្គរក្ស​លោក​នាយក​រដ្ឋមន្ត្រី ហ៊ុន សែន ដែល​វាយ​ដំ​ច្រំ​ធាក់​លើ​តំណាង​រាស្ត្រ​បក្ស​ប្រឆាំង​នៅ​មុខ​មន្ទីរ​រដ្ឋសភា កាល​ពី​ខែ​តុលា ឆ្នាំ​២០១៥។ យូមែន រ៉ៃត៍ វ៉ច្ឆ ថា​ការ​កាត់​ទោស​ត្រឹម​តែ​អង្គរក្ស ៣​នាក់​ដែល​ចេញ​សារភាព គឺ​មិន​ទាន់​គ្រប់គ្រាន់​ឡើយ។ការ​ជំរុញ​ឲ្យ​មាន​ការ​ស៊ើប​អង្កេត​ទូលំទូលាយ​លើ​ករណី​វាយ​ដំ​ តំណាង​រាស្ត្រ​បក្ស​ប្រឆាំង​នេះ ធ្វើ​ឡើង​មុន​ពេល​សាលា​ដំបូង​រាជធានី​ភ្នំពេញ គ្រោង​ប្រកាស​សាលក្រម​កាត់​ទោស​អង្គរក្ស​ទាំង ៣​នាក់​របស់​លោក ហ៊ុន សែន នៅ​ថ្ងៃ​ទី​២៧ ឧសភា។ក្នុង​សេចក្តី​ប្រកាស​ព័ត៌មាន​របស់​ខ្លួន​ចុះ​ថ្ងៃ​ទី​២៦ ឧសភា មាន​ចំណង​ជើង​ថា «កម្ពុជា ឈប់​បិទ​បាំង​អំពើ​ហិង្សា​នយោបាយ» យូមែន រ៉ៃត៍ វ៉ច្ឆ លើក​ឡើង​ថា រដ្ឋាភិបាល​កម្ពុជា គួរ​តែ​ស្នើសុំ​អង្គការ​សហប្រជាជាតិ ឲ្យ​ចូល​មក​ជួយ​ស៊ើប​អង្កេត​ពេញលេញ និង​ឯករាជ្យ នូវ​ករណី​វាយ​ដំ​លើ​តំណាង​រាស្ត្រ​បក្ស​ប្រឆាំង។ប្រភពRFA

http://www.rfa.org/khmer/news/law/HRW-calls-for-full-investigation-attack-by-Hun-Sen-bodyguards-on-opposition-lawmakers-05262016072630.html