Cambodian Voter's Voice

អ្នកនាំពាក្យCPPថា ការព្រមានធ្វើមហាបាតុកម្ម គឺជាសិទ្ធិរបស់CNRP

2016-05-27 15:25:00 4774 Views

អ្នកនាំពាក្យ គណបក្សប្រជាជនកម្ពុជា លោក សុខ ឥសាន ហាក់មិនភ្ញាក់ផ្អើលនោះឡើយ នៅពេលដែលគណបក្សសង្គ្រោះជាតិ ព្រមានធ្វើមហាបាតុកម្មទ្រង់ទ្រាយធំ ប្រសិនអាជ្ញាធរចាប់ខ្លួនឯកឧត្តម កឹម សុខា។ លោក សុខ ឥសាន យល់ថា ការធ្វើមហាបាតុកម្មអហិង្សា គឺជាសិទ្ធិរបស់គណបក្សប្រឆាំង។ចំពោះករណីឯកឧត្តម កឹម សុខា លោក សុខ ឥសាន ជឿជាក់ថា តុលាការនៅបន្តនីវិធីរបស់ខ្លួន ដើម្បីនាំខ្លួនឯកឧត្តម កឹម សុខា តាមបទល្មើសជាក់ស្តែងដែលអយ្យការអមសាលាដំបូងរាជធានីបានចោទប្រកាន់។ ហើយលោកថា ប្រសិនបើគណបក្សសង្គ្រោះជាតិធ្វើមហាបាតុកម្មអហិង្សា នៅពេលដែលតុលាការចាប់ខ្លួនឯកឧត្តម កឹម សុខា នោះ គណបក្សប្រជាជនកម្ពុជា មិនបារម្ភអ្វីនោះឡើយ។ អ្នកនាំពាក្យគណបក្សកាន់អំណាចរូបនេះ ថ្លែងថា ការធ្វើបាតុកម្មគឺជាសិទ្ធិរបស់គណបក្សសង្គ្រោះជាតិ ដែលច្បាប់អនុញ្ញាតប្រសិនបើបាតុកម្មនោះជាបាតុកម្មអហិង្សា។ប្រភពថ្មីៗ

http://www.thmeythmey.com/?page=detail&ctype=article&id=40295&lg=kh