Cambodian Voter's Voice

លោក អង្គ វង្សវឌ្ឍនាថា ច្បាប់កម្ពុជារីកចម្រើន តែពលរដ្ឋហាក់មិនសូវយល់

2016-06-02 11:25:00 4741 Views

អ្នកកាសែតប្រមាណ ១០០នាក់ កំពុងចូលរួមវគ្គសិក្សាស្វែងយល់អំពីក្រមព្រហ្មទណ្ឌ និងក្រមនីតិវិធីព្រហ្មទណ្ឌ ដែលរៀបចំដោយក្រសួងយុត្តិធម៌ នៅថ្ងៃព្រហស្បតិ៍ទី២ មិថុនានេះ។លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ បានបញ្ជាក់ថា អ្នកកាសែតគឺជាស្ពានដែលបានផ្តល់ព័ត៌មាន ផ្តល់ចំណេះដឹងទៅប្រជាពលរដ្ឋ ដូច្នេះវគ្គស្វែងយល់ស្តីពីក្រមព្រហ្មទណ្ឌនេះ ដើម្បីជាជំនួយ និងមូលដ្ឋានគ្រឹះមួយចំនួនទាក់ទងនឹងក្រមព្រហ្មទណ្ឌ និងក្រមនីតិវិធីព្រហ្មទណ្ឌ ដល់អ្នកសារព័ត៌មានជាតិនិងអន្តរជាតិ។លោកបានមានប្រសាសន៍ថា៖«ច្បាប់មានការរីកចម្រើន និងទៅមុខ តែប្រជាពលរដ្ឋហាក់ដូចមិនទៅមុខ។ មានន័យថាដូចជាមិនសូវយល់»។ ដូច្នេះលោក រំពឹងថា វគ្គស្វែងយល់នេះ នឹងអាចឲ្យអ្នកកាសែតយល់ពីគោលការណ៍ច្បាប់ក្រមព្រហ្មទណ្ឌ ហើយយកទៅសរសេរនៅក្នុងអត្ថបទរបស់ខ្លួន មានភាពច្បាស់លាស់ដើម្បីផ្តល់ទិន្នន័យពិតប្រាកដពីច្បាប់នេះទៅ ប្រជាពលរដ្ឋ៕ប្រភពថ្មីៗ

http://www.thmeythmey.com/?page=detail&ctype=article&id=40514&lg=kh