Cambodian Voter's Voice

លោក អេង ឆៃអ៊ាង សង្ឃឹមថា CPP និងCNRP មិនប្រើកម្លាំងប្រឈមមុខដាក់គ្នា

2016-06-14 14:30:00 4753 Views

គណបក្សសង្គ្រោះជាតិ ប្រកាសរក្សាជំហចរចា ដោយអហិង្សាជាមួយគណបក្សប្រជាជនកម្ពុជា។ មន្ត្រីជាន់ខ្ពស់គណបក្សសង្គ្រោះជាតិលោក អេង ឆៃអ៊ាង សង្ឃឹមថា គណបក្សទាំងពីរនឹងមិនប្រើកម្លាំងសមត្ថកិច្ច និងកម្លាំងប្រជាជន ដើម្បីប្រឈមមុខតទល់ជាមួយគ្នាឡើយ។ថ្លែងក្នុងសន្និសីទកាសែតនៅមុខទីស្នាក់ការគណបក្ស មន្ត្រីជាន់ខ្ពស់រូបនេះ បានបញ្ជាក់ថា គណបក្សលោកគ្មានការរៀបចំក្បួនធ្វើបាតុកម្ម និងការដើរហែក្បួន ដែលអាចបង្កឲ្យមានបញ្ហារវាងកងកម្លាំងសមត្ថកិច្ចនិងអ្នកគាំទ្រខ្លួននោះទេ។ ការលើកឡើងរបស់លោក អេង ឆៃអ៊ាង នេះធ្វើឡើងស្របពេលដែលកម្លាំងនគរបាល នៃស្នងការដ្ឋាននគរបាលរាជធានីភ្នំពេញ ជាច្រើននាក់ ត្រូវបានដាក់ពង្រាយនៅតាមផ្លូវ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ នៅព្រឹកថ្ងៃទី ១៤ មិថុនា នេះ ខណៈដែលអ្នកគាំទ្រ និងសកម្មជនគណបក្សសង្គ្រោះជាតិជាង១ពាន់នាក់បានមកជួបជុំគ្នានៅមុខទីស្នាក់ការគណបក្ស។ ប្រភពថ្មីៗ

http://www.thmeythmey.com/?page=detail&ctype=article&id=40988&lg=kh&