សម្លេងម្ចាស់ឆ្នោត​កម្ពុជា

ចៅក្រមសាលាដំបូងរាជធានីភ្នំពេញនារសៀលថ្ងៃទី២៣បានសួរលោក នី ចរិយា ជាអគ្គលេខាធិការរង គ.ជ.ប បន្ថែមក្នុងការដាក់បន្ទុកទាក់ទងនឹងបទចោទសមគំនិតសូកប៉ាន់សាក្សីដែលពាក់ព័ន្ធនឹងរឿងរ៉ាវអ្នកនាង ខុម ចាន់តារ៉ាទី ហៅស្រីមុំ។ក្រោយបញ្ចប់ការសាកសួរជាងពីរម៉ោង មេធាវីការពារក្តីលោក នី ចរិយា គឺលោក សំ សុគង់ មានប្រសាសន៍ថា ចៅក្រមស៊ើបសួរ លោក ធាម ច័ន្ទពិសិដ្ឋ បានសួរលោក នី ចរិយា ដើម្បីដាក់បន្ទុកបន្ថែម តែលោកមេធាវីបញ្ជាក់ថារាល់ចម្លើយដែលលោក នី ចរិយា ឆ្លើយសុទ្ធតែជាចម្លើយដោះបន្ទុក។លោកមានប្រសាសន៍បន្ថែមថា៖ «សំណួរដែលចៅក្រមសួរថ្ងៃនេះផ្តោតលើសំណួរដាក់បន្ទុក ទាក់ទងទៅនឹងធាតុផ្សំមួយហៅថាជាអ្នកសមគំនិត ជាមេគំនិតក្នុងសំណុំរឿងសូកប៉ាន់សាក្សីហ្នឹង។ ចឹងសួរសំណួរដែលសំខាន់ដែលគេចាប់អារម្មណ៍គឺការទំនាក់ទំនងរវាងលោក នី ចរិយា ជាមួយមន្រ្តីអាដហុក លោក នី ចរិយា ជាមួយមេធាវីអ្នកនាង ខុម ចាន់ស្រីមុំ និងជាមួយមន្រ្តី UN»។លោក សំ សុគង់ បន្ថែមថាតាមចម្លើយរបស់លោក នី ចរិយា បង្ហាញថា លោកមិនពាក់ព័ន្ធនឹងបទចោទសូកប៉ាន់សាក្សីនោះទេ។ប្រភពVOD

http://vodhotnews.com/2016/06/lawyer-said-that-the-court-ask-ny-chakriya-more