Cambodian Voter's Voice

លោក ហ៊ុន សែន រំលឹកជាថ្មីពីការផ្លាស់ប្ដូរបង្កទៅជាការបង្ហូរឈាម

2016-06-27 09:15:00 5434 Views

លោកនាយករដ្ឋមន្ត្រី ហ៊ុន សែន រំលឹកជាថ្មីពីការផ្លាស់ប្ដូរបង្កទៅជាការបង្ហូរឈាម ដោយលោកលើកឡើងពីប្រទេសមួយចំនួនដូចជា អ៊ីរ៉ាក់ (Iraq) ស៊ីរី (Syria) ទុយណេស៊ី (Tunisia) និងបណ្ដាប្រទេសនៅផ្សេងដែលពលរដ្ឋបះបោរធ្វើបដិវត្តន៍ពណ៌ផ្ដួលរំលំ រដ្ឋាភិបាល។ ថ្លែងក្នុងពេលជួបសំណេះសំណាលជាមួយថ្នាក់ដឹកនាំ គ្រិស្តបរិស័ទ លោក ហ៊ុន សែន ថា ការផ្លាស់ប្ដូរដែលគ្មានរបៀបរៀបរយហ្នឹងគឺធ្វើឲ្យពលរដ្ឋបាត់បង់ ជីវិតមិនចេះចប់មិនចេះហើយ។ក្រៅពីព្រមានពីការផ្លាស់ប្ដូរបង្កទៅជាការបង្ហូរឈាម លោក ហ៊ុន សែន អះអាងថា លោកមានបទពិសោធន៍គ្រប់គ្រាន់ដើម្បីគ្រប់គ្រងស្ថានការណ៍។ ក្រៅនេះ លោក ហ៊ុន សែន ប្រាប់ទៅសាធារណជនថា ធ្លាប់មាននាយករដ្ឋមន្ត្រី ឧទាហរណ៍ម្នាក់ ថានឹងបំបាត់គ្រិស្តសាសនាមិនឲ្យមាននៅកម្ពុជាក្នុងរបបគេគ្រប់គ្រង។ ប៉ុន្តែលោកមិនបញ្ជាក់ថា តើអ្នកណាជានាយករដ្ឋមន្ត្រីឧទាហរណ៍ទេ៖ «ដើម្បី ផ្ដួលរំលំ សាដាម ហ៊ូសេន មួយ តើមនុស្សត្រូវស្លាប់ប៉ុន្មានទៅ? ក្រៅពីមនុស្សស្លាប់នៅក្នុងប្រទេស ហើយវិបត្តិជនភៀសខ្លួនកំពុងហូរចូលអឺរ៉ុប»។ការថ្លែងរបស់លោក ហ៊ុន សែន នៅពេលនេះ គឺពីអ្វីដែលលោក ហ៊ុន សែន និងមន្ត្រីថ្នាក់ក្រោមរបស់លោក ថា ប្រទេសកម្ពុជាពេលនេះ មានសុខសន្តិភាព និងគ្មានបញ្ហានយោបាយនោះ៕ ប្រភពRFA

http://www.rfa.org/khmer/news/politics/changing-to-blood-war-06242016095222.html