Cambodian Voter's Voice

លោកបណ្ឌិត មាស នី៖ សេចក្ដីសម្រេចរបស់ UN ករណីកម្ពុជាគឺត្រឹមត្រូវ ដែលកម្ពុជាត្រូវពិចារណាឡើងវិញ

2016-07-07 10:58:00 4727 Views

កាលពីសប្ដាហ៍មុន ក្រុមប្រឹក្សាសិទ្ធិមនុស្ស អង្គការសហប្រជាជាតិបានចេញសេចក្ដីសម្រេចមួយ ដោយដាក់ប្រទេសកម្ពុជា ជារដ្ឋរំលោភសិទ្ធិមនុស្ស និង បំបាត់សំឡេង ក្រុមប្រឆាំង ដែលគេថាគួរឱ្យព្រួយបារម្ភ។ សេចក្ដីម្រេចនេះធ្វើឡើង តាមរយៈសេចក្ដីថ្លែងរបស់ខ្លួន ត្រូវបានផ្សព្វផ្សាយជាសាកល គឺបន្ទាប់ពីបានបិទបញ្ចប់ សម័យប្រជុំលើកទី៣២ ដោយមានរបៀបវារៈស្ដីពី កំណត់ហេតុសិទ្ធិមនុស្សនៅកម្ពុជា។តែដំណោះស្រាយរបស់អង្គការពិភពលោកនេះ ត្រូវបានបក្សកាន់អំណាច បដិសេធ ហើយ វាយបកវិញថាការចោទប្រកាន់មិនមានមូលដ្ឋានជាក់ស្ដែង។ តែបែបនេះក្ដី លោកបណ្ឌិត មាស នី អ្នកវិភាគបញ្ហាសង្គម ដែលបានផ្ដល់បទសម្ភាសន៍ជាមួយវិទ្យុស្ត្រីFM102 បានគាំទ្រសេចក្ដីសម្រេចរបស់ស្ថាប័នសិទិ្ធមនុស្សពិភពលោកមួយនេះ ដោយចាត់ទុកថា ត្រឹមត្រូវ ។ លោក បញ្ជាក់ថាកម្ពុជា នឹងរងគ្រោះថ្នាក់ជាងអតីតរបប យោធាភូមា បើសហគមន៍អន្តរជាតិ ដាក់ទណ្ឌកម្មសេដ្ឋកិច្ច លើប្រទេសក្រីក្រមួយនេះ។ ប្រភពវិទ្យុស្ត្រីFM102

http://wmc.org.kh/archives/21816