សម្លេងម្ចាស់ឆ្នោត​កម្ពុជា

តំណាងរាស្ត្របក្សប្រឆាំងមួយរូបដែលសកម្មនឹងរឿងព្រំដែនគឺលោក អ៊ុំ សំអាន បានបន្តរិះគន់រដ្ឋាភិបាលខ្លាំងៗថា អ្នកដែលការពារបូរណភាពទឹកដីត្រូវជាប់ពន្ធនាគារ ចំណែកអ្នកកាត់ដីឲ្យទៅប្រទេសជិតខាងបែរជាតាំងខ្លួនជាអ្នកស្នេហាជាតិ។សាលាឧទ្ធរណ៍នៅព្រឹកថ្ងៃទី១២ ខែកក្កដា ឆ្នាំ២០១៦នេះ បានបើកសវនាការលើបណ្តឹងរបស់លោក អ៊ុំ សំអាន សុំមោឃភាពនីតិវិធីនៃការឃុំខ្លួន ដោយអះអាងចំណាត់ការរបស់តុលាការថ្នាក់ក្រោម រំលោភអភ័យឯកសិទ្ធិអ្នកតំណាងរាស្ត្រដែលធានាដោយរដ្ឋធម្មនុញ្ញ។ប្រាប់អ្នកសារព័ត៌មានពេលឆ្មាំពន្ធនាគារក្រៀកចេញពីរថយន្តបណ្តើរទៅបន្ទប់សវនាការ លោក អ៊ុំ សំអាន បានអះអាងថាគណបក្សប្រជាជនកម្ពុជាដែលដឹកនាំដោយលោកនាយករដ្ឋមន្ត្រី ហ៊ុន សែន បានធ្វើរដ្ឋប្រហារដ្ឋធម្មនុញ្ញ ចាប់តំណាងរាស្រ្តដាក់ពន្ធនាគារទាំងមានអភ័យឯកសិទ្ធិសភា។លោកថា៖ «សម័យនេះអ្នកដែលស្នេហាជាតិ អ្នកការពារព្រំដែនជាប់គុក ហើយអ្នកដែលកាត់ដីឲ្យយួន បែរជារួចខ្លួនក្លាយជាអ្នកស្នេហាជាតិទៅវិញ។ យើងដឹងហើយមេដឹកនាំយើងកាត់ដីឲ្យយួន ដើម្បីតបស្នងសងគុណយួនដែលលើកបន្តុបគាត់តាំងពីទសវត្សទី៨០»។ប្រភពVOD

http://vodhotnews.com/2016/07/those-who-protect-the-border-will-go-to-jail-but-those-who-give-their-land-will-not-get-harm