មន្រ្តី​ជាន់​ខ្ពស់​គណបក្ស​សង្រ្គោះ​ជាតិ បាន​បដិសេធ​ចំពោះ​បណ្តាញ​ផ្សព្វផ្សាយ​ព័ត៌មាន​ថា គណបក្ស​សង្រ្គោះ​ជាតិ​ស្ថិត​នៅ​ពី​ក្រោយ​នៃ​ឃាតកម្ម​បាញ់​សម្លាប់​លោក កែម ឡី អ្នក​វិភាគ​ព្រឹត្តិការណ៍​សង្គម​ និង​នយោបាយ​នៅ​កម្ពុជា។ ការ​ច្រាន​ចោល​បន្ទាប់​ពី​មាន​បណ្តាញ​ផ្សព្វ​ផ្សាយ​ដែល​គាំទ្រ​រដ្ឋាភិបាល​ មួយ​ចំនួន​បាន​ចុះ​ផ្សាយ​ពី​ការ​ភ្ជាប់​ឃាតកម្ម​លោក កែម ឡី ទៅ​នឹង​គណបក្ស​សង្រ្គោះ​ជាតិ។ ប្រធាន​អង្គរក្ស​គណបក្ស​សង្រ្គោះ​ ជាតិ និង​ជា​តំណាង​រាស្រ្ត​មណ្ឌល​ខេត្ត​កំពង់ចាម លោក ឡុង រី បាន​ច្រាន​ចោល​ចំពោះ​ព័ត៌មាន​ថា គណបក្ស​សង្រ្គោះ​ជាតិ​បាន​ស្ថិត​នៅ​ពី​ក្រោយ​នៃ​ការ​រៀបចំ​សេណារីយោ​ក្នុង​ ឃាតកម្ម​បាញ់​សម្លាប់​លោក កែម ឡី អ្នក​វិភាគ​ព្រឹត្តិការណ៍​សង្គម នយោបាយ​នៅ​កម្ពុជា។គួរ​ជម្រាប​ជូន​ថា កាសែត The Cambodia Daily ​ជា​ភាសាអង់គ្លេស​នៅ​ថ្ងៃ​នេះ បាន​ចេញ​ផ្សាយ​ជុំវិញ​សំណុំ​រឿង​ឃាតកម្ម​លើ​លោក កែម ឡី ដោយ​ដាក់​ចំណង​ជើង​ថា “ប្រព័ន្ធ​ផ្សព្វ​ផ្សាយ​របស់ CPP ទម្លាក់​កំហុស​លើ CNRP ទាក់ទិន​ការ​ធ្វើ​ឃាតកម្ម​លោក កែម ឡី”។។ បើ​តាម​កាសែត​ជា​ភាសា​អង់គ្លេស​នេះ​បាន​ឲ្យ​ដឹង​ថា ក្នុង​រយៈ​ពេល​២​ថ្ងៃ​មក​នេះ ប្រព័ន្ធ​ផ្សព្វផ្សាយ​ដែល​គាំទ្រ​គណបក្ស​ប្រជាជន​កម្ពុជា បាន​រៀបរាប់​និង​បង្ហាញ​ថា គណបក្ស​សង្រ្គោះ​ជាតិ​និង​លោក កឹម សុខា អនុប្រធាន​គណបក្ស​នេះ អាច​ជា​ពិរុទ្ធជន​នៃ​អំពើ​ឃាតកម្ម​នេះ។ប្រភពRFI
​

http://km.rfi.fr/cambodia/cnrp-kem-ley-death-13-07-2016?ns_campaign=reseaux_sociaux&ns_source=FB&ns_mchannel=social&ns_linkname=editorial&aef_campaign_ref=partage_user&aef_campaign_date=2016-07-13