Cambodian Voter's Voice

សវនាការជំនុំជម្រះលើលោក នី ចរិយា ជុំវិញបណ្ដឹងមួយទៀតត្រូវលើកពេល

2016-07-18 10:40:00 5359 Views

សាលាដំបូងរាជធានីភ្នំពេញសម្រេចលើកពេលសវនាការជំនុំជម្រះលើអគ្គលេខាធិការរង គ.ជ.ប លោក នី ចរិយា ជុំវិញបណ្ដឹងដាច់ដោយឡែកទៀត នៅថ្ងៃទី១៨ កក្កដា ដោយទុកពេលឲ្យខែ ដើម្បីប្ដឹងឧទ្ធរណ៍។ការសម្រេចលើកពេលនេះ ត្រូវមេធាវីរបស់លោក នី ចរិយា ស្នើសុំក្រោមហេតុផលថា គ្មានវត្តមានដើមបណ្ដឹងរដ្ឋប្បវេណី និងពុំទាន់មានការសម្រេចរបស់ឧត្ដមក្រុមប្រឹក្សាអង្គចៅក្រម តុលាការកំពូល និងអគ្គព្រះរាជអាជ្ញា ដែល សមាគមការពារសិទ្ធិមនុស្សអាដហុក បានដាក់បណ្ដឹងកាលពីថ្ងៃទី២០ ខែឧសភា ឆ្នាំ២០១៥។ មួយវិញទៀត លោក នី ចរិយា ក៏ប្ដឹងសុំផ្លាស់ចៅក្រមផង។លោកពីលោក នី ចរិយា នៅជាប្រធានផ្នែកស៊ើបអង្កេតរបស់សមាគម អាដហុក (ADHOC) លោកត្រូវបានលោក សុខ កែវបណ្ឌិត ព្រះរាជអាជ្ញារងអមសាលាដំបូងខេត្តសៀមរាប និង លោក គី ឬទ្ធី ចៅក្រមស៊ើបសួរនៃសាលាដំបូងខេត្តសៀមរាប ប្ដឹងកាលពីខែមិថុនា ឆ្នាំ២០១៥ ដោយចោទលោកពីបទបរិហារកេរ្តិ៍ជាសាធារណៈ បរិហារបង្កាច់កេរ្តិ៍ ផ្សព្វផ្សាយ និងអត្ថាធិប្បាយ ដើម្បីដាក់សម្ពាធលើយុត្តាធិការ ពាក់ព័ន្ធនឹងវេទិកាមួយទាក់ទងនឹងជម្លោះដីធ្លី។បច្ចុប្បន្នលោក នី ចរិយា កំពុងជាប់ឃុំនៅក្នុងពន្ធនាគារភ្នំពេញ ហៅថា ប៉េស៊ី (PJ) ពីបទល្មើសសមគំនិតសូកប៉ាន់សាក្សីក្នុងសំណុំរឿងអាស្រូវស្នេហា រវាងប្រធានស្ដីទីគណបក្សសង្គ្រោះជាតិ លោក កឹម សុខា និងនាង ខុម ចាន់តារាទី ហៅស្រីមុំ។