Cambodian Voter's Voice

លោក ហ៊ុន សែន ផ្ដាំសមាជិកព្រឹទ្ធសភាគណបក្ស សម រង្ស៊ី ម្នាក់ថា កុំរត់ឆ្លងដែនប្រយ័ត្នគេចាប់

2016-08-02 11:45:00 4814 Views

ពីពិធីសម្ពោធ ដាក់ឲ្យប្រើប្រាស់ ផ្លូវជាតិលេខ៤៤ នៅក្នុងខេត្តកំពង់ស្ពឺ លោកនាយករដ្ឋមន្ត្រី ហ៊ុន សែន បានផ្ដាំទៅសមាជិកព្រឹទ្ធសភាពីគណបក្ស សម រង្ស៊ី ថា មិនត្រូវរត់ឆ្លងដែនចេញពីប្រទេសកម្ពុជាឡើយ ពោលគឺត្រូវប្រឈមមុខទទួលខុសត្រូវចំពោះការចោទប្រកាន់មកលើលោក ជុំវិញករណីបាញ់សម្លាប់លោក កែម ឡី ។លោក ហ៊ុន សែន លើកឡើងដូច្នេះ ដោយទំនងជាលោកចង់ផ្ដាំទៅអ្នកស្រី ថាក់ ឡានី សមាជិកព្រឹទ្ធសភាពីគណបក្ស សម រង្ស៊ី ដែលសម្តេចអះអាងថា បានចោទខ្លួន ជាអ្នកសម្លាប់លោក កែម ឡី ។ «តាមដឹងប្រុងឆ្លងតាមច្រកប៉ោយប៉ែត សូមកុំឆ្លង ក្រែងលោគេចាប់ ចង់ឆ្លងយក(លេស)ថាចង់ទៅព្យាបាលជំងឺ សូមកុំឲ្យសោះប្រយ័ត្ន ។ ត្រូវតទល់គ្នា ហ៊ានស៊ីហ៊ានសង ហ៊ានផ្លោះរបងហ៊ានជាប់គុក ព្រោះអ្នកឯងហ៊ានផ្លោះរបងហើយ…»។ នេះជាការបញ្ជាក់របស់លោកនាយករដ្ឋមន្ត្រី។កាលពីថ្ងៃទី០១ សីហា លោក ហ៊ុន សែន បានដាក់ពាក្យប្តឹងលោក សម រង្ស៊ី និងអ្នកស្រី ថាក់ ឡានី សមាជិកព្រឹទ្ធសភាគណបក្សសម រង្ស៊ី ពាក់ព័ន្ធនឹងករណីឃាតកម្មលើលោក កែម ឡី។

https://thmeythmey.com/?page=detail&ctype=article&id=42766&lg=kh