មន្ត្រី​គណបក្ស​សង្គ្រោះ​ជាតិ ខេត្ត​ត្បូងឃ្មុំ លើក​ឡើង​ថា ករណី​ដក​ស្លាក​សញ្ញា​គណបក្ស​ពីរ​ដង​ក្នុង​ថ្ងៃ​តែ​មួយ គឺ​ជា​សកម្មភាព​ធ្វើ​ឡើង​ដោយ​ចេតនា​តែ​ម្តង។ ករណី​នេះ ពួក​គេ​ស្នើ​ឲ្យ​អាជ្ញាធរ​ជួយ​ចាត់​វិធានការ​ចំពោះ​អ្នក​ដែល​បាន​ដក​បំផ្លាញ​ស្លាក​សញ្ញា​គណបក្ស​ប្រឆាំង​នៅ​ភូមិ​ក្រែក ឃុំ​ក្រែក កាល​ពី​ថ្ងៃ​ទី​៣១ កក្កដា។ អធិការ​នគរបាល​ស្រុក​បញ្ជាក់​ថា ពួក​គេ​មិន​ទាន់​ទទួល​បាន​ពាក្យ​បណ្ដឹង​នៅ​ឡើយ ប៉ុន្តែ​ខាង​លោក​បាន​ព្យាយាម​ហៅ​ភាគី​ទាំង​ពីរ​សម្របសម្រួល​គ្នា​កាល​ពី​ពេល​កើត​ហេតុ​ថ្មីៗ តែ​មន្ត្រី​បក្ស​ប្រឆាំង​មិន​បាន​ចូលរួម។មន្ត្រី​គណបក្ស​សង្គ្រោះ​ជាតិ ឲ្យ​ដឹង​ថា ពួក​គេ​កំពុង​រៀបចំ​ពាក្យ​បណ្ដឹង​ដាក់​ទៅ​អាជ្ញាធរ ដើម្បី​ចាត់​វិធានការ​ទៅ​តាម​ផ្លូវ​ច្បាប់ ចំពោះ​សកម្មភាព​ដក​ស្លាក​សញ្ញា​គណបក្ស​របស់​ខ្លួន។ ការ​អះអាង​នេះ កើត​ឡើង​ក្រោយ​ពេល​ស្លាក​សញ្ញា​គណបក្ស​សង្គ្រោះ​ជាតិ មួយ​ផ្ទាំង ត្រូវ​បាន​គេ​ដក​ទុក​ចោល​លើ​ដី​កាល​ពី​ថ្ងៃ​ទី​៣១ កក្កដា ចំនួន​ពីរ​ដង ស្ថិត​នៅ​ទីតាំង​តែ​មួយ​ក្នុង​ឃុំ​ក្រែក។ប្រធាន​ប្រតិបត្តិ​ខេត្ត​ត្បូងឃ្មុំ គណបក្ស​សង្គ្រោះ​ជាតិ លោក សេង ស៊ាងលី មាន​ប្រសាសន៍​ថា ការ​លើក​ស្លាក​សញ្ញា​គណបក្ស គឺ​ពួក​គាត់​បាន​ប្រាប់​អាជ្ញាធរ​មូលដ្ឋាន​រួច​ហើយ។ប្រភពRFA

http://www.rfa.org/khmer/news/politics/CNRP-officials-in-Tboung-Khmom-ask-authorities-to-take-action-against-who-withdrawal-their-party-logo-08032016030825.html