Cambodian Voter's Voice

មេដឹកនាំCPP និងCNRP អំពាវនាវឲ្យពលរដ្ឋទៅចុះឈ្មោះបោះឆ្នោត

2016-08-09 09:20:00 4757 Views

នៅថ្ងៃទី០១ ខែកញ្ញាឆ្នាំ២០១៦ខាងមុខនេះ គណៈកម្មាធិការជាតិរៀបចំការបោះឆ្នោត គ.ជ.ប នឹងដំណើរការរៀបចំបញ្ជីចុះឈ្មោះបោះឆ្នោត ឃុំ-សង្កាត់ នៅគ្រប់បណ្ដារាជធានី-ខេត្ត ដែលប្រព្រឹត្តិទៅមានរយៈពេល៣ខែ។ មុនការចុះឈ្មោះបោះឆ្នោតមកដល់នេះ មេដឹកនាំគណបក្សនយោបាយ បានអំពាវនាវឲ្យប្រជាពលរដ្ឋគ្រប់រូប នាំគ្នាចុះឈ្មោះបោះឆ្នោតឲ្យបានគ្រប់គ្នា ដើម្បីជ្រើសរើសថ្នាក់ដឹកនាំមូលដ្ឋានដែលខ្លួនពេញចិត្ត។ថ្លែងក្នុងពិធីចាក់បេតុងតភ្ជាប់ស្ពានកោះធំ ឆ្លងកាត់ទន្លេបាសាក់ នៅខេត្តកណ្តាលព្រឹកនេះលោកនាយករដ្ឋមន្ត្រី ហ៊ុន សែន បានអំពាវនាវឲ្យប្រជាពលរដ្ឋទាំងអស់ត្រៀមខ្លួន ចូលរួមចុះឈ្មោះបោះឆ្នោតនៅថ្ងៃទី០១ កញ្ញា ខាងមុខនេះ។ ជាមួយគ្នានេះ ប្រមុខរដ្ឋាភិបាល ក៏បានបញ្ជាក់ប្រាប់ប្រជាពលរដ្ឋថា ពួកគេមិនចាំបាច់ទៅចុះឈ្មោះបោះឆ្នោតនៅតាមទីកន្លែងកំណើតរបស់ពួកគេឡើយ ពោលគឺប្រជាពលរដ្ឋមកពីខេត្តឆ្ងាយៗ ហើយមករស់នៅ និងធ្វើការនៅទីក្រុង ឬទីកន្លែងផ្សេងៗទៀតនោះ ពួកគេអាចមានសិទ្ធិចុះឈ្មោះបោះឆ្នោតនៅជិតកន្លែងដែលពួកគេរស់នៅ និងធ្វើការនោះបាន ដោយមិនចាំបាច់វិលទៅចុះឈ្មោះបោះឆ្នោតនៅទីកន្លែងដូចមុនឡើយ។កន្លងមកមេដឹកនាំគណបក្សសង្គ្រោះជាតិ ឯកឧត្តម កឹម សុខា ក៏បានអំពាវនាវឲ្យប្រជាពលរដ្ឋចូលរួមចុះឈ្មោះបោះឆ្នោតទាំងអស់គ្នាដែរ។

https://www.thmeythmey.com/?page=detail&ctype=article&id=43012&lg=kh&