Cambodian Voter's Voice

លោក ហ៊ុន សែន ប្រតិកម្មនឹងពាក្យសម្ដីរបស់លោក ខឹម វាសនា

2016-08-10 10:15:00 4741 Views

លោកនាយក រដ្ឋមន្ត្រី ហ៊ុន សែន បានអះអាងថា មូលហេតុដែលលោកចុះតាមមូលដ្ឋានជួបប្រជាពលរដ្ឋនេះ គឺអាចជួយឲ្យលោក បានយល់ច្បាស់ពីបញ្ហារបស់ប្រជាពលរដ្ឋតាមមូលដ្ឋាន ដើម្បីដោះស្រាយបញ្ហាជូនពួកគេ ពោលគឺមិនមែនចុះតាមមូលដ្ឋានដោយឥតប្រយោជន៍នោះឡើយ។ លោក ហ៊ុន សែន ប្រតិកម្មតបនឹងពាក្យសម្តីរបស់លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ ដែលរិះគន់លោកថា ដើរចុះតាមមូលដ្ឋាន គ្រាន់តែជួបប្រជាពលរដ្ឋដើម្បីទាញសំឡេងឆ្នោតប៉ុណ្ណោះ។តាមរយៈវីដេអូឃ្លី បជួបសំណេះសំណាលជាមួយប្រជាពលរដ្ឋ និងអង្គុយបរិភោគអាហារពេលព្រឹកនៅក្នុងផ្សារលើ ខេត្តកំពង់ឆ្នាំងនោះ នាយករដ្ឋមន្ត្រី បានឆ្លើយតបទៅលោក ខឹម វាសនា យ៉ាងដូច្នេះថា៖«ខ្ញុំសូមផ្ដាំទៅលោក ខឹម វាសនា ដែលថាខ្ញុំដើរ(ចុះតាមមូលដ្ឋាន)អត់បានការអ្វី។ តែខ្ញុំសូមផ្ដាំត្រឡប់ទៅវិញ ការដែលខ្ញុំដើរចូលមកផ្សារ លក់ពងទាអាំងនោះ បានសេចក្ដីថា ខ្ញុំស្គាល់រឿងច្រើនណាស់ ដើម្បីរួមចំណែកដោះស្រាយបញ្ហា។ សង្ឃឹមថាលោក អញ្ជើញចុះមកតាមផ្សារមក លោកមកាន់តែជួបយោបល់មនុស្សច្រើនទៀត»។
កាលពីចុងខែ កក្កដាកន្លងមក លោក ខឹម វាសនា បានរិះគន់លោកនាយករដ្ឋមន្ត្រីថា ជាមេដឹកនាំមិនមានសមត្ថភាព មិនមានបញ្ញាគ្រប់គ្រាន់ ក្នុងការដោះស្រាយបញ្ហាប្រទេសឡើយ។

https://www.thmeythmey.com/index.php?page=detail&ctype=article&id=43036&lg=kh