សម្លេងម្ចាស់ឆ្នោត​កម្ពុជា

តំណាងរាស្ត្រគណបក្សសង្គ្រោះជាតិលោក អ៊ំ សំអាន ដែលនៅមានអភ័យឯកសិទ្ធិ ត្រូវបានអនុរក្សពន្ធនាគារនាំខ្លួនមកកាន់តុលាការកំពូលនៅព្រឹកនេះ ដើម្បីចូលរួមសវនាការសុំនៅក្រៅឃុំដោយដៃមានជាប់ខ្នោះ។នៅម៉ោងជាង៨ព្រឹកនេះ លោក អ៊ុំ សំអាន ក្នុងសំលៀកបំពាក់ពណ៌ទឹកក្រូច ដៃជាប់ខ្នោះជាជនជាប់ចោទមួយរូបទៀត ត្រូវអនុរក្សពន្ធនាគារបណ្តើរចេញពីរថយន្តចូលទៅក្នុងបន្ទប់សវនាការតុលាការកំពូល ដើម្បីសួរដេញដោលជុំវិញបណ្តឹងសុំនៅក្រៅឃុំរបស់លោក។មុនចូលក្នុងបន្ទប់សវនាការ លោក អ៊ំ សំអាន ស្រែកថាលោកនាយករដ្ឋមន្ត្រី ហ៊ុន សែន ធ្វើរដ្ឋប្រហាររដ្ឋធម្មនុញ្ញ ហើយលោកក៏អំពាវនាវឲ្យពលរដ្ឋបោះឆ្នោតទម្លាក់លោក ហ៊ុន សែន នៅឆ្នាំ២០១៨។លោក អ៊ុំ សំអាន ដែលសកម្មនឹងបញ្ហាព្រំដែនកម្ពុជាវៀតណាមត្រូវបានចាប់ខ្លួនកាលពីយប់រំលងអធ្រាត្រឈានចូលថ្ងៃទី១១ ខែមេសា ឆ្នាំ២០១៦ នៅក្នុងខេត្តសៀមរាប ពាក់ព័ន្ធនឹងការចោទប្រកាន់រឿងប្រើប្រាស់ផែនទីក្លែងក្លាយ។ប្រភពVOD

http://vodhotnews.com/2016/08/om-somann-has-been-summoned-to-court-today