សម្លេងម្ចាស់ឆ្នោត​កម្ពុជា

តំណាងរាស្ដ្រគណបក្សសង្គ្រោះជាតិ (CNRP) លោក គឹម សួរភីរិទ្ធ បានស្នើរាជរដ្ឋាភិបាលកម្ពុជា ជួយសងបំណុលប្រជាកសិករ ដែលជំពាក់ធនាគារយកលុយ មកថ្លៃទិញរបស់របរប្រើប្រាស់ សម្រាប់បង្កបង្កើនផលកសិកម្ម ដើម្បីបង្កភាពងាយស្រួល ដល់កសិករមួយចំនួន ។ ការស្នើរបស់មន្រ្តីបក្សប្រឆាំងនេះ បន្ទាប់ពីតម្លៃកសិកម្មរបស់ពលរដ្ឋ ជាពិសេសស្រូវ និងល្ពៅ មានការចុះថោកជាខ្លាំង ដែលបានធ្វើឲ្យពួកគាត់ព្រួយបារម្ភ ចំពោះតម្លៃនៅលើទីផ្សារ ហើយជាពិសេសគ្មានឈ្មួញមកទិញ តែបើមកទិញគឺមានតម្លៃថោកហួស ពីការស្មានក្នុងរយៈពេលប៉ុន្មានថ្ងៃមកនេះ ។