សម្លេងម្ចាស់ឆ្នោត​កម្ពុជា

តុលាការនឹងប្រកាសសាលក្រមលើករណីតំណាងរាស្ត្របក្សប្រឆាំងនៅរសៀលនេះ

សាលាដំបូងរាជធានីភ្នំពេញនឹងប្រកាសសាលក្រមលើសំណុំរឿងលោក អ៊ុំ សំអាន តំណាងរាស្ត្រគណបក្សសង្រ្គោះជាតិនៅម៉ោង២រសៀលថ្ងៃនេះ បន្ទាប់ពីចៅក្រមបានធ្វើការជំនុំជម្រះកាលពីថ្ងៃទី៥ ខែកញ្ញា ឆ្នាំ២០១៦។លោក អ៊ុំ សំអាន ដែលរិះគន់រដ្ឋាភិបាលកម្ពុជាថាប្រើផែនទីក្លែងក្លាយបោះបង្គោលព្រំដែនជាមួយវៀតណាមនោះ ត្រូវបានចោទប្រកាន់ពីបទញុះញង់ឲ្យមានការប្រព្រឹត្តបទឧក្រិដ្ឋជាអាទិ៍និងញុះញង់ឲ្យមានការរើសអើង។លោក អ៊ុំ សំអាន ត្រូវបានសមត្ថកិច្ចចាប់ខ្លួននៅពាក់កណ្តាលយប់នៅក្រុងសៀមរាប ទាំងមិនបានដកអភ័យឯកសិទ្ធិជាតំណាងរាស្ត្រ ក្រោយពីលោកត្រឡប់ពីអាមេរិកចូលមកកម្ពុជាវិញកាលពីខែមេសា៕ប្រភព VOD