Cambodian Voter's Voice

សាលាក្រុងមិនឲ្យបូជាសពលោក ប៉ែន សុវណ្ណ នៅមុខវត្តបទុមវតី

2016-11-01 14:40:00 4706 Views

ភ្នំពេញៈ សាលារាជធានីភ្នំពេញ កាលពីម្សិលមិញ បានច្រានចោលសំណើរបស់គណបក្សប្រឆាំង ដែលស្នើសុំរៀបចំពិធីបូជាសពអតីតនាយករដ្ឋមន្ត្រី លោក ប៉ែន សុវណ្ណ នៅសួនច្បារមុខវត្តបទុមវតី ក្នុងរាជធានីភ្នំពេញ។លោក ប៉ែន សុវណ្ណ បានស្លាប់កាលពីយប់ថ្ងៃសៅរ៍ នៅក្នុងផ្ទះរបស់លោកនៅខេត្ត តាកែវ បន្ទាប់ពីមានជំងឺរ៉ាំរ៉ៃអស់រយៈពេលជាងមួយឆ្នាំ។ បច្ចុប្បន្ន លោក សុវណ្ណ ជាតំណាងរាស្រ្តរបស់គណបក្សសង្គ្រោះជាតិនៅមណ្ឌល កំពង់ស្ពឺ។លោក ចាន់ យ៉ាដា អ្នកនាំពាក្យសាលារាជធានីបានឱ្យដឹងថា រហូតមកដល់ពេលនេះ សាលារាជធានីមិនទាន់បានទទួលសំណើសុំបូជាសពលោក សុវណ្ណ ដែលដង្ហែមកពីខេត្តតាកែវ ដើម្បីធ្វើពិធីបូជានៅមុខវត្តបទុមវតីនៅឡើយទេ។ប្រភពភ្នំពេញប៉ុស្ដិ៍