Cambodian Voter's Voice

លោក ឈាង វុន ច្រានចោលសេចក្ដីសម្រេចរបស់សហភាពអន្តរសភា

2016-11-17 10:15:00 4753 Views

តំណាងរាស្ត្រគណបក្សប្រជាជនកម្ពុជា លោក ឈាង វុន បានហៅសហភាពអន្តរសភា ថាជាសភាដែលធ្វើកិច្ចការគ្មានយុត្តិធម៌ និងមិនសុក្រឹតនោះ ហើយថាលោកមានការសោកស្ដាយចំពោះការលើកឡើងរបស់សហភាពអន្តរសភា ដែលចង់ឲ្យមានការចរចារវាងបក្សកាន់អំណាច និងបក្សប្រឆាំងនេះ។ប្រតិកម្មរបស់មន្ត្រីជាន់ខ្ពស់បក្សកាន់អំណាចរូបនេះ ធ្វើឡើងមួយថ្ងៃក្រោយសហភាពអន្តរសភា បានផ្សាយសេចក្តីសម្រេចចិត្តមួយ ស្នើឲ្យគណបក្សជាប់ឆ្នោតទាំងពីរចរចាគ្នា និងឲ្យអាជ្ញាធរគោរពសិទ្ធិមនុស្ស។លោក ឈាង វុន បន្តថា រដ្ឋសភារបស់កម្ពុជា សព្វថ្ងៃ កំពុងមានដំណើរធម្មតាជាប្រក្រតី គ្មានវិបត្តិនយោបាយ ហើយក៏មិនចាំបាច់ចរចាជាមួយគណបក្សប្រឆាំង ដើម្បីដោះស្រាយករណីរឿងអាស្រូវផ្ទាល់របស់ក្រុមមេបក្សប្រឆាំងនោះដែរ។ ប្រភពRFA