សម្លេងម្ចាស់ឆ្នោត​កម្ពុជា

ភ្នំពេញ៖ លោកសមរង្ស៊ី ប្រធានគណបក្សសង្គ្រោះជាតិ ដែលកំពុងនិរទេសខ្លួន នៅក្រៅប្រទេសបានសម្តែង ការសារទរ ចំពោះលទ្ធផល ចុះឈ្មោះបោះឆ្នោត ដើម្បីរៀបចំបញ្ជីឈ្មោះ បោះឆ្នោតថ្មីឆ្នាំ២០១៦ ។ យោងតាមបណ្តាញ សង្គមហ្វេសប៊ុក លោក បានហៅលទ្ធផល នៃការចុះឈ្មោះបោះឆ្នោតឆ្នាំ ២០១៦ បើកផ្លូវឲ្យជ័យជំនះ គណបក្សសង្គ្រោះជាតិ ក្នុងការបោះឆ្នោតឆ្នាំ ២០១៧ និង ២០១៨ទោះជាពលរដ្ឋខ្មែរជាង ១ លាននាក់ មិនបានចុះឈ្មោះបោះឆ្នោតថ្មីៗនេះ ដោយសារតែស្នាក់នៅក្រៅប្រទេស ក៏លោកអាចសប្បាយរីករាយ អំពីលទ្ធផលសរុប នៃដំណើរការចុះឈ្មោះអ្នកបោះឆ្នោត ក្នុងរយៈពេល ៣ ខែកន្លងមកនេះ។ លោកបញ្ជាក់ថា «ខ្ញុំសូមកោតសរសើរ អស់ពីដួងចិត្ត ចំពោះពលរដ្ឋខ្មែរគ្រប់រូប ដែលបានខិតខំទៅចុះឈ្មោះ ឲ្យទាល់តែបាន ដើម្បីរក្សាសិទ្ធិបោះឆ្នោតរបស់ខ្លួន ហើយបំពេញ កាតព្វកិច្ចរបស់ខ្លួន ក្នុងនាមជាពលរដ្ឋពេញលក្ខណៈ។ ជាពិសេស ខ្ញុំសូមសម្តែងការកោតសរសើរ ដ៏លើសលប់ ចំពោះស្ត្រីខ្មែរ ៤.២១៣.៤២៧ នាក់ តំណាងឲ្យ ៥៣,៥ ភាគរយ នៃចំនួនសរុបប្រជាពលរដ្ឋ ៧.៨៧៣.១៩៤ នាក់ ដែលបានទៅចុះឈ្មោះបោះឆ្នោត ប្រកបដោយជោគជ័យ»។ប្រភពដើមអម្ពិល