Cambodian Voter's Voice

ជនជាតិដើមភាគតិចនៅស្ទឹងត្រែងត្រូវបានសួរនាំក្រោយបញ្ចេញព័ត៌មានអំពីការកាប់ឈើ

2017-01-12 14:55:00 4713 Views

ជនជាតិដើមភាគតិចកួយ រស់នៅឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ដែលធ្លាប់ផ្តល់ព័ត៌មានពីការកាប់បំផ្លាញព្រៃឈើ និងភាពអសកម្មរបស់អាជ្ញាធរមូលដ្ឋានទៅប្រព័ន្ធផ្សព្វផ្សាយ ត្រូវមេប៉ុស្តិ៍រដ្ឋបាលឃុំសំអាង កោះហៅមកសួរនាំ និងបង្គាប់ឲ្យផ្តិចមេដៃ កាលពីថ្ងៃទី៨ ខែមករា។ មន្ត្រីឃ្លាំមើលសិទ្ធិមនុស្ស ចាត់ទុកករណីនេះជាការបំបាក់ស្មារតីដល់អ្នកគាំពារសម្បត្តិធម្មជាតិ និងគំរាមកំហែងសិទ្ធិជនជាតិដើមភាគតិច។ជនជាតិដើមភាគតិចកួយ សម្តែងការមិនសប្បាយចិត្តចំពោះមេប៉ុស្តិ៍ឃុំសំអាង ថាបានកោះហៅលោកឲ្យស្រាយបំភ្លឺរឿងផ្តល់ព័ត៌មានដល់ប្រព័ន្ធផ្សព្វផ្សាយ ទាក់ទិនការទន្ទ្រានដីព្រៃសហគមន៍ភ្នំជម្រកសត្វ និងព្រៃត្រៀមបម្រុងរដ្ឋបាលឃុំសំអាង អស់ជិត ៣ពាន់ហិកតារ។ ពួកគេថា សមត្ថកិច្ចទាំងនោះមិនបានបំពេញកាពត្វកិច្ចជានគរបាលយុត្តិធម៌ បង្ក្រាបបទល្មើសឧក្រិដ្ឋកាប់បំផ្លាញព្រៃឈើស្របតាមច្បាប់ឡើយ បែរជាធ្វើទុក្ខមុកម្នេញដល់ពលរដ្ឋជាអ្នកការពារព្រៃឈើទៅវិញ។ប្រភព៖RFA