Cambodian Voter's Voice

ក្រុមប្រឹក្សាសង្កាត់ព្រែកព្នៅបដិសេធបណ្ដឹងទាស់បក្សប្រឆាំងលើបញ្ជីឈ្មោះបោះឆ្នោត

2017-01-13 11:15:00 4686 Views

ប្រធានក្រុមប្រឹក្សាជំនុំជម្រះសង្កាត់ព្រែកព្នៅ និងសង្កាត់ឃ្មួញ សម្រេចច្រានចោលបណ្ដឹងទាស់បញ្ជីឈ្មោះបោះឆ្នោតដំបូងរបស់គណបក្សប្រឆាំង ដែលស្នើឲ្យលុបឈ្មោះជនជាតិវៀតណាម ចេញពីបញ្ជីបោះឆ្នោតថ្មីនេះ។ ការសម្រេចនេះ ធ្វើឲ្យដើមបណ្ដឹងពីខាងគណបក្សប្រឆាំងត្រូវចាញ់ក្តីទាំងអស់ក្នុងដំណាក់ការជំនុំជម្រះជំហានដំបូងនេះ។ក្នុងពេលសួរដេញដោលនៅក្នុងសាលាសង្កាត់ព្រែកព្នៅ កាលពីព្រឹកថ្ងៃទី១២ មករា ពលរដ្ឋដែលរងការចោទថាជាជនជាតិវៀតណាម ប៉ុន្តែមានសិទ្ធិចុះឈ្មោះបោះឆ្នោតដែរនោះ ព្រមានប្ដឹងបកវិញ។តំណាងដើមបណ្ដឹងក្នុងសំណុំរឿងបញ្ជីឈ្មោះបោះឆ្នោតមានភាពមិនត្រឹមត្រូវនៅសង្កាត់ព្រែកព្នៅ បានហៅសេចក្ដីសម្រេចរបស់ប្រធានក្រុមប្រឹក្សាជំនុំជម្រះ ថាជាការសម្រេចដែលប្រើអំណាចជាធំ មិនឈរលើគោលការណ៍សមធម៌ មានភាពលម្អៀង ជាពិសេសជាងនេះទៀត គឺជាសវនាការពុំបានផ្ដល់ឱកាសដេញដោលឲ្យបានគ្រប់គ្រាន់នោះទេ។ប្រភព៖RFA http://www.rfa.org/khmer/news/politics/voter-list-in-prekphnov-01122017084151.html