Cambodian Voter's Voice

លោក ហ៊ុន សែន ដាក់លក្ខខណ្ឌបក្សប្រឆាំងចំនួនពីរមុននឹងឲ្យរដ្ឋមន្ត្រីទៅឆ្លើយបំភ្លឺនៅសភា

2017-02-02 14:30:00 5314 Views

.............................

លោកនាយករដ្ឋមន្ត្រី ហ៊ុន សែន ថ្លែងនៅថ្ងៃទី២ កុម្ភៈ ថា លោកនឹងមិនឲ្យរដ្ឋមន្ត្រី ៣រូបរបស់លោកចូលបំភ្លឺក្នុងរដ្ឋសភា តាមការកោះហៅរបស់តំណាងរាស្ត្រគណបក្សប្រឆាំងជាដាច់ខាត បើគណបក្សនេះមិនចូលប្រជុំសភាជាមុនទេ។លោក ហ៊ុន សែន ដាក់លក្ខខណ្ឌចំនួនពីរទៅបក្សប្រឆាំង ដើម្បីឲ្យប្រធានរដ្ឋសភាអនុញ្ញាតឲ្យរដ្ឋមន្ត្រីរបស់លោកទៅឆ្លើយបំភ្លឺតាមការកោះហៅរបស់តំណាងរាស្ត្រគណបក្សប្រឆាំង។ លក្ខខណ្ឌទាំងពីរនោះគឺ ទី១ តំណាងរាស្ត្របក្សប្រឆាំងត្រូវតែធ្វើការក្នុងសភា ពោលគឺត្រូវចូលប្រជុំសភានៅរៀងរាល់សភាបើកអង្គប្រជុំ មិនមែនទៅធ្វើវេទិកាអ្នកកាសែតនៅទីស្នាក់ការបក្សទេ។ ទី២ មិនត្រូវផ្ដល់ព័ត៌មានឲ្យអ្នកកាសែតថា ការឆ្លើយបំភ្លឺរបស់រដ្ឋមន្ត្រីដែលខ្លួនបានឆ្លើយនោះថា អត់បានការទេ នៅពេលដែលខ្លួនបានសួរ ហើយចម្លើយរបស់រដ្ឋមន្ត្រីនៅក្នុងអង្គប្រជុំថា ល្អ តែចេញពីប្រជុំថា មិនល្អនោះ។

...............................

ប្រភព៖RFA

http://www.rfa.org/khmer/news/politics/question-ministers-at-NA-02022017010328.html