Cambodian Voter's Voice

បក្សប្រឆាំងថាពិបាកជជែកជាមួយបក្សកាន់អំណាចដោយសារឥទ្ធិពលលោក ហ៊ុន សែន

2017-02-22 10:10:00 5286 Views

..................

មន្ត្រីគណបក្សប្រឆាំងលើកឡើងថា ការប្រើវប្បធម៌សន្ទនាជាមួយបក្សកាន់អំណាចមានការពិបាកដោយសារតែឥទ្ធិពលរបស់លោកនាយករដ្ឋមន្ត្រី ហ៊ុន សែន។ការលើកឡើងនេះ គឺបន្ទាប់ពីអ្នកនាំពាក្យរដ្ឋសភាលោក ឡេង ប៉េងឡុងកាលពីម្សិលមិញ មានប្រសាសន៍ថា គណបក្សសង្គ្រោះជាតិហាក់ដូចជាមិនចង់បន្តវប្បធម៌សន្ទនាជាមួយបក្សកាន់អំណាចដោយសារបក្សនេះមិនចូលរួមប្រជុំសភាពេញអង្គ ដើម្បីកែច្បាប់គណបក្សនយោបាយ។លោកថា៖ «គាត់ធ្វើឲ្យគេឃើញថាគាត់លេចធ្លោគាត់មិនគោរពតាមមតិភាគច្រើនទេ ការធ្វើពហិការរបស់គាត់ហ្នឹងបានន័យថាគាត់មិនមានចេតនាក្នុងការសន្ទនាអីទេ ហើយគណបក្សកាន់អំណាចថាបើចង់មានវប្បធម៌សន្ទនាសុំឲ្យអញ្ចើញមកក្នុងរដ្ឋសភា គាត់មិនព្រមចូលមកសភាទេ គាត់មិនព្រមចូលមកធ្វើការជាធម្មតាទេ គាត់ធ្វើដើម្បីលេចធ្លោដើម្បីចំណេញនយោបាយ ដូច្នេះហើយនេះជាចរិតធម្មតារបស់គាត់អញ្ចឹងហើយ យើគិតថាគាត់គួរតែចូលមកក្នុងរដ្ឋសភាធ្វើការធម្មតា និងសន្ទនាធម្មតា អាហ្នឹងជាការល្អ » ។