Cambodian Voter's Voice

លោកសុខ ឥសាន ៖ បើតុលាការបច្ចុប្បន្នជាជាឧបករណ៍សម្រាប់រដ្ឋាភិបាល,ជនប្រព្រឹត្តល្មើសច្បាប់ក៏ជាឧបករណ៍របស់ខុមហ្វ្រែលដែរ?

2017-03-28 16:10:00 5282 Views

- - - - - - - - - - - - - - - - -

លោកសុខ ឥសាន មន្ដ្រីនាំពាក្យគណបក្សប្រជាជនកម្ពុជា បានលើកឡើងថាប្រសិនបើជនទាំងឡាយមិនចង់មានបញ្ហាដល់ខ្លួនឯងទេ កុំប្រព្រឹត្តល្មើសច្បាប់ដាច់ខាត និងកុំប្រើសិទ្ធិហួសហេតុផុតដែនកំណត់នៃច្បាប់ បើពុំនោះសោត នឹងបណ្ដាលឲ្យមានទោសហើយ។ការលើកឡើងរបស់លោកសុខ ឥសាន បែបនេះ គឺបន្ទាប់ពី អង្គការឃ្លាំមើលការបោះឆ្នោតហៅ ខុមហ្វ្រែលបានចេញរបាយការណ៍រិះគន់គណបក្សកាន់អំណាច ចំពោះអ្វីដែលអង្គការនេះហៅថាជាទម្រង់នៃការគាបសង្កត់នយោបាយ អំពើពុករលួយនិងបានហៅប្រព័ន្ធតុលាការថា “ជាឧបករណ៍សម្រាប់រដ្ឋាភិបាល”។ ជាការឆ្លើយតបនឹងរបាយការណ៍នេះ លោកសុខ ឥសាន បានថ្លែងតាមរយៈរស្មីកម្ពុជាថា“...បើតុលាការជាឧបករណ៍សម្រាប់រដ្ឋាភិបាល...អញ្ចឹង...ជនដែលប្រព្រឹត្តល្មើសច្បាប់ហ្នឹងជាឧបករណ៍របស់ខុមហ្វ្រែលចឹង...គាត់និយាយហ្នឹង...វាគ្មានឡូស៊ិកអីបន្ដិចសោះ...បើមនុស្សដើរសុខៗ ហើយអត់មានប៉ះពាល់សន្ដិសុខអីទេ ហើយគេធ្វើវិធានការតាមតុលាការ អាហ្នឹងបានថាតុលាការហ្នឹងវារងឥទ្ធិពលពីរដ្ឋាភិបាល...”។

- - - - - - - - - - - - - - - - -

ប្រភព៖រស្មីកម្ពុជា

http://www.rasmeinews.com/local/ZGI1ZGIyNT/18